Liverpool បានក្លាយជាម្ចាស់ពានរង្វាន់ លំដាប់ទី៣ Carling Cup របស់អង់គ្លេស ជាលើកទី៨ ក្រោយពីទម្លាក់ក្រុម Cardiff City នៅវគ្គផ្ដាច់ព្រ័ត្រ នៅកីឡដ្ឋាន Wembley នៅថ្ងៃអាទិត្យ ទី២៦ ខែកុម្ភៈ ដោយការទាត់បាល់ប៉េណាល់ទី ៣-២ ក្រោយពីការប្រកួតពេញម៉ោង បាន ២គ្រាប់ ស្មើគ្នា។
ក្នុងតង់ទី១ ក្រុម Cardiff City បានស៊ុតបញ្ចូលទីបានសម្រេច ដោយកីឡាករខ្សែប្រយុទ្ធ Joe Mason នៅនាទី១៩។ លុះចូលដល់តង់ទី២ ខ្សែការពារជម្រើស Martin Škrtel រកគ្រាប់បាល់តាមស្មើ ១គ្រាប់វិញ នៅនាទី ៦០ ។ នៅកំឡុងពេលថែមម៉ោង១៥ នាទី ២ដង នៅនាទីទី១០៨ ខ្សែប្រយុទ្ធ Dirk Kuyt ស៊ុតគ្រាប់បាល់នាំមុខឱ្យ Liverpool វិញម្ដង។ នៅនាទី១១៨ ខ្សែការពារ Ben Turner បានរកគ្រាប់បាល់អោយ Cardiff City តាមស្មើ Liverpool វិញ ។ ដែលធ្វើអោយការប្រកួត ឈានដល់ការទាត់បាល់ ប៉េណាល់ទី ដើម្បីកាត់សេចក្ដីបញ្ចប់។
Dirk Kuyt, Stewart Downing និង Glen Johnson ស៊ុតឱ្យ Liverpool ឈ្នះ ៣-២ ក្នុងវគ្គប៉េណាល់ទីនេះ ចំនែក Steven Gerrard និង Anthony Gerrard សុទ្ធតែប៉េណាល់ទី មិនចូលដូចគ្នា ។
0 មតិ:
Post a Comment