បណ្តាប្រទេសលោកខាងលិចបានប៉ះទង្គិចជាមួយប្រទេសរុស្សីនៅក្នុងក្រុមប្រឹក្សាសន្តិសុខអង្គការសហប្រជាជាតិបញ្ហាប្រទេសស៊ីរី នៅពេលពួកសកម្មជន និងរដ្ឋាភិបាលក្រុងដាម៉ាស់ បន្ទោសគ្នាទៅវិញទៅមកចំពោះការសម្លាប់រង្គលជនស៊ីវិលនៅក្នុងទីក្រុងហូម។
ជំលោះហាក់ដូចជាឈានកាន់តែកៀកទៅរកសង្គ្រាមស៊ីវិល ជាមួយក្រុមប្រឹក្សា ជាតិស៊ីរី(SNC) ដែលនិរទេសខ្លួន ដោយនិយាយថា ខ្លួនកំពុងរៀបចំបំពាក់អាវុធដល់ពួកឧទ្ទាម ប្រឆាំងនឹងរដ្ឋាភិបាលដោយមានជំនួយបរទេស។ ប៉ុន្តែក្រុមប្រឆាំងនឹងប្រធានាធិបតីបាសាអាល់សាត នៅតែបែកជាចំណែក។
ពួកអ្នកតំណាងSNCនឹងជួបប្រជុំគ្នានៅម៉ោង៨ ម៉ោងសកលថ្ងៃ អង្គារ នៅក្នុងទីក្រុងអង់ការ៉ាជាមួយបេសកជនសម្ព័ន្ធអារ៉ាប់ -អង្គការសហប្រជាជាតិ លោកកូហ្វ៊ីអាណាន់ ដែលបានធ្វើការចរចាជាមួយលោក អាសាដ កាលពីថ្ងៃសៅរ៍និងថ្ងៃអាទិត្យ។
នៅរ៉ាន់កូស កៀកនឹងក្រុងដាម៉ាស់ ការវាយប្រហាររបស់កងទ័ពបានក្លាយទៅជាការប៉ះទង្គិចគ្នា ក្រោយពីងងឹតនៅថ្ងៃច័ន្ទ។ ពួកសកម្មជននិយាយថា មានសំឡេងផ្ទុះ និងការខូចខាតបាត់បង់ជីវិត។ ពួកឧទ្ទាមនិយាយថា ពួកគេបានសម្លាប់កងទ័ពរាប់សិបនាក់នៅក្នុងការពួនស្ទាក់វាយមួយរៀបចំគម្រោងជាមួយពួកទាហានរត់ចោលជួរដែលនៅតែស្ថិតនៅក្នុងជួរកងទ័ពពុំមានសញ្ញាណាមួយ ក្រោយពីការប្រជុំរបស់ក្រុមប្រឹក្សាសន្តិសុខពិសេសកាលពីថ្ងៃច័ន្ទស្ដីពីការងើបបះបោរ«អារ៉ាប់ស្ព្រីង» បង្ហាញឲ្យឃើញថាសមាជិកអចិន្ត្រៃយ៍ទាំង៥ជិតបំបែកភាពទាល់ច្រកមួយដែលពីរដងបាននាំឲ្យប្រទេសរុស្សី និង ប្រទេសចិន ជំទាស់នឹងសេចក្ដីព្រាងស្ដីពីប្រទេសស៊ីរីនោះ។
រដ្ឋមន្ត្រីការបរទេសសហរដ្ឋអាមេរិកលោកស្រីហ៊ីឡារីគ្លីនតុន បាននិយាយប្រាប់ អ្នកយកព័ត៌មានក្រោយពីប្រជុំឯកជនជាមួយរដ្ឋមន្ត្រីការបរទេស រុស្សី លោក សឺហ្កោ ឡាវរ៉ូវ ថាវាដល់ពេលហើយ សម្រាប់ក្រុងមូស្គូនិងក្រុងប៉េកាំងដើម្បីចូលរួមក្នុងការអំពានាវឲ្យបញ្ចប់ការបង្ក្រាបភាពចលាចលរបស់រដ្ឋាភិបាលស៊ីរី។
លោកស្រីគ្លីនតុន និយាយថា វាស្រេចតែលោកអាសាត ដែលកងទ័ពរបស់លោកបានធ្វើការបង្ក្រាបរយៈពេលមួយឆ្នាំ ដែលអង្គការសហប្រជាជាតិ និយាយថា បានសម្លាប់ប្រជាជនស៊ីវិលជាង៧៥០០នាក់នោះទេ ដែលជាអ្នកប្រកាន់យកជំហានដំបូងបង្អស់ រដ្ឋាភិបាលអាសាតនិយាយថា អង្គការណាតូ«បានរំលោភទាំងកំរោល» នូវអំណាចរបស់អង្គការសហប្រជាជាតិរបស់ខ្លួន ដើម្បីការពារជនស៊ីវិលនៅក្នុងប្រទេសលីប៊ីកាលពីឆ្នាំមុនក្រោយពីពួកឧទ្ទាមបានងើបឡើងផ្ដួលរំលំ និង សម្លាប់លោកមូអាម៉ាកាដាហ្វ៊ីមក។
លោកនិយាយថា« ពុំមានការមន្ទិលសង្ស័យនោះទេ ព្រោះថាអាជ្ញាធរស៊ីរី ទទួលខុសត្រូវចំពោះសភាពការណ៍បច្ចុប្បន្ននោះ»៕
1 មតិ:
OLA AMIGOS, TENHA UM BOM FIM DE SEMANA.
ABRAÇOS DO BRASIL.
Post a Comment