ភ្នំពេញ ៖ រថយន្តដឹកទឹកកក ទំនងជាអ្នកបើកមិនទាន់អស់ជាតិស្រវឹង ព្រោះចូលឆ្នាំចិន បានបោះពួយអាក្តាមយ៉ាងលឿនពន្លះ របងក្រុមហ៊ុនកាំមីនតែល ដែលមានទីតាំងកែងផ្លូវលេខ៨៨ និងវិថីព្រះស៊ីសុវត្ថិ ស្ថិតក្នុងសង្កាត់ស្រះចក ខណ្ឌដូនពេញ កាលពីវេលាម៉ោង៥និង១៥នាទីព្រឹកថ្ងៃទី២៥ មករា ២០១២នេះ។ នៅក្នុងហេតុការណ៍គ្រោះថ្នាក់ខាងលើនេះមិនមានអ្នករងរបួសនោះទេ គ្រាន់តែបាក់របងថ្មរបស់ក្រុមហ៊ុនកាំមីនតែលប៉ុណ្ណោះ។
សាក្សីដែលឃើញហេតុការណ៍បាននិយាយថា នៅវេលាម៉ោងជា ៥ព្រឹកព្រលឹមថ្ងៃទី២៥ មករា គេឃើញរថយន្តធុនកូរ៉េ២តោនកន្លះដឹកទឹកកកពេញបើកតាមបណ្តោយវិថីព្រះស៊ីសុវត្ថិឆ្ពោះទៅទិសខាងត្បូងក្នុងល្បឿនលឿន លុះដល់កែងផ្លូវលេខ៨៨ សង្កាត់ស្រះចក ខណ្ឌដូនពេញ រថយន្តបានចាក់គួរបត់ស្តាំទំនងជាអ្នកបើកសល់ជាតិស្រវឹងពីយប់ក៏ជ្រុលចង្កូតឡើងលើចិញ្ចើមផ្លូវហើយគេចស្លាកសញ្ញាបង្ហាញផ្លូវរួចបន្តទៅបុករបងថ្មក្រុមហ៊ុនកាំមីនតែល បណ្តាលឲ្យបាក់រលំប្រហែលតែម្តង។ អ្នកបើករថយន្តបម្រុងបើក រត់តែភ្លាមៗនោះក៏ត្រូវកម្លាំងកងសន្តិសុខប្រចាំការក្រុមហ៊ុនខាងលើបានចេញមកស្ទាក់ចាប់ទាំងរថយន្តនិងអ្នកបើក។ អ្នកបើកបរឈ្មោះខឿន ខា ភេទប្រុស អាយុ៣៣ឆ្នាំ ស្នាក់នៅសិប្បកម្មផលិតទឹកកក ក្នុងសង្កាត់ឫស្សីកែវ ខណ្ឌឫស្សីកែវ៕ 25,Jan,2012/10:15AM
0 មតិ:
Post a Comment