លោកអនុសេនីយ៍ឯក ម៉ែន សុវណ្ណា អធិការរងក្រុងពោធិ៍សាត់ បានឲ្យដឹងថា ដោយទទួលព័ត៌មានបានច្បាស់ពីប្រជាពលរដ្ឋ រាយការណ៍ជូនសមត្ថកិច្ច នគរបាល និងទទួលបទបញ្ចារបស់លោកវរសេនីយ៍ឯក ស៊ី គិរី ស្នងការស្តីទី និងមានការដឹកនាំផ្ទាល់ពី លោកវរសេនីយ៍ត្រី ឡែន សុង អធិការនគរបាល ក្រុងដឹកនាំកម្លាំងប៉ុស្តិ៍នគរបាលផ្ទះព្រៃ ចុះបង្ក្រាបល្បែងជល់ មាន់បានទាន់ពេលវេលានៅចំណុចភូមិចំការចេកខាងជើង សង្កាត់ផ្ទះព្រៃ ក្រុងពោធិ៍សាត់ ខេត្តពោធិសាត់។
លោកអធិការ ឡែន សុង បានឲ្យដឹងទៀតថា ចំពោះការចុះបង្ក្រាប ល្បែងជល់មាន់ខាងលើ គឺយើងធ្វើបានលឿនបំផុត ខណៈដែលសមត្ថកិច្ចទទួលព័ត៌មានបានភ្លាមៗ និងទទួលបទបញ្ជាពីលោកស្នងការ ស្តីទីដែលពួលគាត់បម្រុង នឹងភ្នាល់ល្បែងជល់មាន់នៅទីនោះ ក្នុងនោះដែររឹបអូសបានស៊ុមក្រុងមាន់ចំនួន១២ ស៊ុមមាន់១៤ក្បាល ម៉ូតូ៥គ្រឿង និងធ្វើការអប់រំម្ចាស់ផ្ទះ។
ក្រោយពីបានធ្វើការអប់រំរួចមក សមត្ថកិច្ចបានអំពាវនាវដល់បងប្អូនប្រជាពលរដ្ឋ ក្នុងក្រុងពោធិ៍សាត់ សូមបញ្ឈប់ជាបន្ទាន់ មិនឲ្យប្រព្រឹត្តល្បែងស៊ីសងគ្រប់ប្រភេទ ចៀសវាងកុំឲ្យខាតថវិកាបងប្អូន៕
ប្រភព៖ អគ្គស្នងការដ្ឋាននគបាលជាតិកម្ពុជា
0 មតិ:
Post a Comment