ខេត្តកោះកុង ៖ នៅថ្ងៃទី២៨ ខែកុម្ភៈ ឆ្នាំ២០១២ វេលាម៉ោង ១៣ និង ២៥នាទី មានករណីគ្រោះថ្នាក់ចរាចរណ៏ រថយន្តក្រុមហ៊ុនផារ៉ាម៉ោនអង្គរ ដឹកអ្នកដំណើរ ០១គ្រឿង បានក្រឡាប់ បណ្តាលឲ្យស្លាប់មនុស្សម្នាក់ រងរបួសធ្ងន់ចំនួន១៩នាក់ និង២៦នាក់ទៀតរងរបួសសា្រល គ្រោះថ្នាក់ចរាចរណ៏គួរអោយរន្ធត់នេះ កើតឡើងនៅចំណុចខាងកើតស្ពានតាតៃប្រហែល៥០ម៉ែត្រ ស្ថិតក្នុងភូមិដូង ឃុំតាតៃ ស្រុកកោះកុង ។
រថយន្តដឹកអ្នកដំណើរចេញពីខេត្តព្រៈសីហនុ មកខេត្តកោះកុងលុះដល់ចំណុចកើតហេតុចុះចំណោទក្នុងល្បឿនលឿន អ្នកបើកបររថយន្តបានជាន់ហ្រ្វាំងអូសចំងាយ១៥០ម៉ែត បណ្តាលអោយបែកកង់ក្រោយម្ខាង រួចក៏ក្រឡាប់តែម្តង បណ្តាលអោយស្រីជនជាតិរុស្សីម្នាក់ស្លាប់ អាយុ១៨ឆ្នាំ បន្ទាប់ពីសមត្ថកិច្ចយើងបញ្ជូនមកកាន់មន្ទីរពេទ្យ រថយន្តនេះដឹកអ្នកដំណើរចំនួន៤៦នាក់(ជនបរទេស៤០នាក់ និងជនជាតិខ្មែរ០៦នាក់ )ពេលក្រឡាប់រថយន្ត ក៏បានមកប៉ៈប្រជាពលរដ្ឋដែលរស់នៅជាប់កន្លែងកើតហេតុ(រងរបួសធ្ងន់ស្រី) ចំណែកអ្នកបើកបរបានរត់គេចខ្លួនបាត់ ។
ករណីនេះលោកឧត្តមសេនីយ៏ត្រី សំឃិត វៀន ស្នងការនគរបាលខេត្តបានដឹកនាំកម្លាំងអន្តរាគមន៏ កម្លាំងពេទ្យ និងកម្លាំងអធិការដ្ឋាននគរបាលក្រុងខេមរភូមិន្ទ ប្រើបា្រស់រថយន្តចំនួន៤គ្រឿង ចុះជួយសង្គ្រោះដល់កន្លែងកើតហេតុ ដឹកជនរងគ្រោះមកមន្ទីរពេទ្យបង្អែកខេត្តកោះកុង ។
ប្រភព៖ អគ្គស្នងការដ្ឋាននគបាលជាតិកម្ពុជា
0 មតិ:
Post a Comment