ប្រទេសកម្ពុជាកាលពីដប់ឆ្នាំ មុនពេលណាត្រូវការប្រើប្រាស់អ៊ិនធឺណិត ម្តងៗអ្នកប្រើប្រាស់ភាគច្រើនត្រូវធ្វើ ដំនើរទៅផ្ទះបើកអាជីវកម្មបំរើសេវាកម្ម អ៊ិនធឺណិតឬបណ្ណាល័យ ឬអង្គភាពនានា។ល។ដោយឡែក បច្ចុប្បន្ននេះ ការប្រើប្រាស់អ៊ិនធឺណិតនៅប្រទេស កម្ពុជាមានភាពងាយស្រួល ស្ទើរតែគ្រប់ទីកន្លែង និងគ្រប់ពេលវេលា។
ភាពងាយស្រួលនេះចាប់បដិសន្ធិឡើង ក្រោមការផ្តល់ជូនសេវា 3G ដែលផ្តល់ដោយក្រុមហ៊ុន ផ្គត់ផ្គង់សេវាទូរស័ព្ទនានានៅក្នុងប្រទេសកម្ពុជា។ កាលពីដើមឡើយ មានក្រុមហ៊ុនផ្គត់ផ្គង់ សេវាទូរស័ព្ទត្រឹមតែ ២ ឬ ៣ ក្រុមហ៊ុនប៉ុណ្ណោះ តែបច្ចុប្បន្ននេះ ក្រុមហ៊ុនផ្គត់ផ្គង់សេវាទូរស័ព្ទ បានកើនឡើងទ្វេជាបី ហើយថែមទាំងប្រកួតប្រជែងគ្នាយ៉ាងខ្លាំងក្លាលើសេវាកម្មអ៊ិនធឺណិត ដែលផ្តល់នូវជំរើសច្រើន និងតំលៃកាន់តែប្រសើរជូនទៅដល់អ្នកប្រើប្រាស់។
ក្រៅពីនេះ អ៊ិនធឺណិត WiFi ក៏បានរីកដុះដាលទន្ទឹមគ្នា ជាពិសេសនៅតាមបណ្តាសណ្ឋាគារ ភោជនីយដ្ឋាន ហាងតែគជ់ ហាងកាហ្វេជាច្រើន ក្នុងរាជធានីភ្នំពេញ និងតាមបណ្តាខេត្តមួយ ចំនួន។ ការផ្តល់ជូននូវអ៊ិនធឺណិត WiFiនៅតាមទីកន្លែងទាំងនោះក្រៅពីបង្កភាពងាយស្រួល វាថែមទាំងត្រូវបានសំគាល់ឃើញថាជាវិធីទាក់ទាញ និងរក្សាអតិថិជនដ៏សំខាន់មួយ។
ការវិវឌ្ឍន៍នៃបច្ចេកវិទ្យាទូរស័ព្ទចល័តក៏បានដើរតួនាទីយ៉ាងសំខាន់ក្នុងការសំរួលឲ្យ អ្នកប្រើ ប្រាស់ចូលទៅប្រើអ៊ិនធឺណិតផងដែរ។ ត្រូវការចូលទៅប្រើអ៊ិនធឺណិតនាពេលបច្ចុប្បន្ននេះពុំ ចាំបាច់ត្រូវតែមានស្មាតហ្វូននៅក្នុងដៃនោះឡើយពោលគឺទូរស័ព្ទដៃធម្មតាដែលមានតំលៃទាបល្មមភាគច្រើនអាចបំពេញសេចក្តី ត្រូវការអ្នកប្រើប្រាស់បានយ៉ាងល្អ។ ឧទាហរណ៍ ៖ ទូរស័ព្ទ ដៃ Nokia សែស្រឡាយ Ashaតួយ៉ាងដូចជាដូចជា Nokia Asha 303 និងNokia Asha 302 ដែលសុទ្ធសឹងតែជាទូរស័ព្ទ 3G និង 3.5G ហើយមាន WiFiទៀត។ ទូរស័ព្ទដៃទាំងនេះ ក្រៅពីតំលៃសមរម្យ (មិនលើសពី $150) គឺអ៊ិនធឺណិតដើរលឿនទៀត។ យោងតាមអ្នកស្រី Mary McDowelនាយកប្រតិបត្តិរងនៃក្រុមហ៊ុន Nokia ទទួលបន្ទុកផ្នែកទូរស័ព្ទចល័ត ៖Nokia Browser គឺជាបច្ច័យដែលធ្វើឲ្យអ៊ិនធឺណិតនៅក្នុង Nokia សែស្រឡាយ Asha មានដំណើរការ លឿន។ Nokia Browser ប្រើប្រាស់បច្ចេកវិទ្យាបង្រួមទំហំទិន្នន័យរហូតដល់ទៅ ៩០% ដែល ផ្តល់ផលវិជ្ជមានចំពោះក្រុមហ៊ុនផ្តល់សេវាកម្មទូរស័ព្ទផង និងជួយឲ្យអ្នកប្រើប្រាស់បើក អ៊ិនធឺណិតបានលឿនហើយសន្សំសំចៃទៀត។
សរុបសេចក្តីមក សេវា 3G ផ្តល់ដោយដោយក្រុមហ៊ុនផ្គត់ផ្គង់សេវាទូរស័ព្ទ សេវា WiFi ផ្តល់ជូននៅតាមទីសាធារណៈ និងទូរស័ព្ទដែលទ្រទ្រង់ 3G ឬ WiFi បានចូលរួមបង្កភាពងាយស្រួលយ៉ាងច្រើនសំរាប់ស្វែងរកព័ត៌មាននិងទំនាក់ទំនងគ្នាតាមរយៈអ៊ីមែល,Chat,វីដេអូខល, បណ្តាញសង្គម។ល។
0 មតិ:
Post a Comment