www.cambo-news.com សូមស្វាគមន៏ប្រិយមិត្តដែលបានចូលរួមទស្សនាគេហទំព័រយើងខ្ញុំ សូមអរគុណ !!
Smiley face Smiley face Smiley face

Monday, March 19, 2012

ខឹងសម្បា​​នឹង​ស្លាក​សញ្ញា​​ប្រាសាទ​ព្រះវិហារ



រាជធានីភ្នំពេញ ៖ រថ​យន្ត​រ៉េវ​ហ្វ័រ១គ្រឿង​​បើកបរ​ដោយ​បុរសម្នាក់​​ស្រវឹង​ធ្លាក់​ភ្នែក​ជោគប្រាណមិនដឹងមកពីប្រភពណាបាន​ចង​កំហឹង​​នឹង​ប៉ាណូ​ទេស​ចរណ៍​ដែលមាន​រូប​ប្រាសាទ​​ព្រះ​វិហារ​ដាក់​​តាំង​លើ​សួន​ច្បារ​មុខ​ស្ថាន​ទូត​បារាំង​ ស្ថិត​ក្នុង​សង្កាត់​ស្រះ​ចក ខណ្ឌដូន​ពេញ​ កាលពី​វេលាម៉ោង​១២​និង​៣០​នាទី​រំលង​អធ្រាត្រ​ឈាន​ចូល​ថ្ងៃទី​១៩​ មីនា​ ប៉ុន្តែ​​រថយន្ត​នោះ​បាន​ព្យា​យាម​​បើក​រត់​ក្រោយ​ពី​បុក​ប៉ាណូ​ តែ​ត្រូវ​កម្លាំង​កង​រាជ​អាវុធ​ហត្ថ​ខណ្ឌដូន​ពេញ ​តាម​ប្រមាញ់​ចាប់​បាន​នៅ​ខាង​កើ​ត​រម​ណីយ​ដ្ឋាន​វត្ត​ភ្នំ​ ។

សមត្ថកិច្ច​​និយាយថា មុន​ពេល​កើត​ហេតុ​មាន​រថយន្ត​មួយ គ្រឿង​ម៉ាករ៉េវហ័្វរ​​ បើក​តាម​បណ្តោយ​មហាវិថី​​ព្រះមុនីវង្ស​​ពី​ត្បូង​ទៅ​ជើង​​ក្នុង​ល្បឿន​លឿន​​ ទំនង​ជា​អ្នក​បើកបរ​ស្រវឹង​ លុះមក​ដល់​​ផ្លូវ​​បំបែក​សួន​ច្បារមុខ​ស្ថានទូត​​បារាំង​ ដែល​ស្ថិត​ក្នុង​សង្កាត់​ស្រះ​ចក ខណ្ឌដូនពេញ​ ស្រាប់​តែ​​បើក​​ឡើង​លើ​សួន​ក៏​បុក​ស្លាក​សញ្ញា​ប៉ាណូ​​ផែ្នក​ទេសចរណ៍​​រូប​ប្រាសាទ​​ព្រះវិហារ​​​​​​​​​​​​​លាន់​គ្រាំ​ង​ហុយ​ផ្សែង​ទ្រលោម​ ។ ​នៅ​ពេ​ល​បុក​ហើយ​អ្នក​បើក​​ប​រ​មិន​បាន​បើក​ទ្វារ​រថយន្ត​ចេញមក​ក្រៅ​ទេ បែរ​ជា​​ព្យាយាម​បើក​រត់​ទៅទិស​ខាង​កើតដល់​កែង​វិថី​ព្រះ​ស៊ីសុវត្ថិ​ក៏​បត់​ទៅ​​ត្បូង​ទាំង​រថយន្ត​របើក​កាង​មុខ​ តែ​ដល់​ផ្លូវ​បំ​បែក​ដើម​ពោធិ៍​មាត់​ទន្លេ​បើក​គេច​តាម​រង្វង់​មូល​វត្ត​ភ្នំ​ ត្រូវ​បាន​​កម្លាំង​​កង​រាជ​អាវុធ​ហត្ថ​ខណ្ឌដូន​ពេញ​ស្ទាក់​ចាប់​បាន​ប្រគល់​ឱ្យ​នគរ​បាល​ប៉ុស្តិ៍​ស្រះ​ចក​​តែម្តង ។

រថយន្ត​​បង្ក​ត្រូវ​បាន​នគរបាល​ចរាចរ​ផ្លូវ​គោក​ស្ទួច​យក​ទៅ​រក្សា​ទុក​នៅ​សាលា​រាជធានី ភ្នំពេញ​ ដើម្បី​ដោះ​ស្រាយសង​ការ​ខូច​ខាត​ស្លាក​សញ្ញា​ប៉ាណូ​ទេស​ចរណ៍​រូប​ប្រាសាទ​ព្រះវិហារ ពិន័យ​​ពី​បទ​​បំផ្លិច​បំផ្លាញទ្រព្យ​សម្បត្តិសាធារណៈ ៕

0 មតិ:

Post a Comment