ខេត្តពោធិ៍សាត់៖ គ្រោះថ្នាក់ចរាចរណ៍មួយកើតឡើង រវាងរថយន្តបុករថយន្ត នៅលើដងផ្លូវជាតិលេខ៥ ត្រង់ចំណុច ភូមិអណ្តូងក្រសាំង ឃុំស្នាមព្រះ ស្រុកបាកាន វេលាម៉ោង ១និង៤៥នាទីយប់ ថ្ងៃទី៨ ខែមីនា ឆ្នាំ២០១២ ធ្វើឲ្យមនុស្សរបួសធ្ងន់ស្រាល២នាក់។
លោកវរសេនីយ៍ត្រី ឈុត សំអៀត នាយរងការិយាល័យ នគរបាលចរាចរណ៍ផ្លូវគោក នៃស្នងការដ្ឋាននគរបាល ខេត្តពោធិ៍សាត់បានឲ្យដឹងថា មានគ្រោះថ្នាក់ចរាចរណ៍មួយកើតឡើងរវាងរថយន្តម៉ាកអ៊ីយ៉ាន់ដាយ បុករថយន្តហ្វុយស៊ូ នៅចំណុចភូមិអណ្តូងក្រសាំង ឃុំស្នាមព្រះ ស្រុកបាកាន អ្នកបើកបររថយន្តម៉ាកអ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3B 2456 ទិសដៅពីលិចទៅកើតឈ្មោះ អ៊ុក ថន ភេទប្រុស អាយុ២២ឆ្នាំ រស់នៅភូមិព្រៃផ្តៅ ឃុំបឹងខ្នា ស្រុកបាកាន រងរបួសធ្ងន់ និងអ្នករួមដំណើរម្នាក់ទៀតឈ្មោះ ណុប សំអឿន ភេទប្រុស អាយុ២៨ឆ្នាំ រស់នៅភូមិឃុំជាមួយគ្នា រងរបួសស្រាល បច្ចុប្បន្នសម្រាកព្យាបាលនៅមន្ទីរពេទ្យខេត្តពោធ៍សាត់ រីឯអ្នកបើកបររថយន្តម៉ាកហ្វុយស៊ូរ ពណ៌ស ពាក់ស្លាកលេខ ពោធិ៍សាត់ 3A 0309 មិនមានគ្រោះថ្នាក់អ្វីឡើយ។
វត្ថុតាងសមត្ថកិច្ចនគរបាលយើងយកមករក្សាទុកនៅការិយាល័យនគរបាលចរាចរណ៍ផ្លូវគោក ដើម្បីធ្វើការតាមនិតិវិធី៕
ប្រភព
0 មតិ:
Post a Comment