រាជធានីភ្នំពេញ ៖ បើយោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅ កម្ពុជាចុះថ្ងៃទី២៦ មីនា ២០១២ បានឲ្យដឹងថា ក្រោមគម្រោងនៃកិច្ចសហប្រតិបត្តិការសេដ្ឋកិច្ចរបស់ជប៉ុន ជំនួយឧបត្ថម្ភឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ (ជំនួយគូសាណូណិ) រដ្ឋាភិបាលជប៉ុននឹងផ្តល់ទឹកប្រាក់សរុបចំនួន៩៩.៣៨២ដុល្លារអាមេរិកដល់មន្ទីរធនធានទឹក និងឧតុនិយមខេត្តកំពង់ធំ សម្រាប់គម្រោងស្តារប្រព័ន្ធស្រោចស្រពកំពង់ធំ ។
ស្ថានទូតជប៉ុនបានឱ្យដឹងថា កិច្ចសន្យាផ្តល់ជំនួយនេះនឹងត្រូវចុះហត្ថលេខាដោយលោកតាស៊ីយ៉ា ម៉ាជីដា ឧបទូតស្ថានទូតជប៉ុនប្រចាំប្រទេសកម្ពុជា និងលោកជាតិ ស៊ីវត្ថា ប្រធានមន្ទីរធនធានទឹក និងឧតុនិយមខេត្តកំពង់ធំ សម្រាប់គម្រោងស្តារប្រព័ន្ធស្រោចស្រពកំពង់ធំ ។ ពិធីចុះហត្ថលេខាប្រគល់-ទទួលជាផ្លូវការ នឹងប្រព្រឹត្តទៅនៅវេលាម៉ោង៣រសៀលថ្ងៃទី២៩ មីនា ២០១២ ខាងមុខនេះ នៅសាលប្រជុំស្ថានទូត ជប៉ុនប្រចាំនៅកម្ពុជាស្អែកនេះ ៕
0 មតិ:
Post a Comment