អគ្គលេខាធិការរបស់សម្ព័ន្ធភាពបាននិយាយកាលពីថ្ងៃអង្គារខែកុម្ភៈនេះថា កងទ័ពអង្គការណាតូកំពុងសំដែងនូវភាពអត់ធ្មត់មែនទែន នៅក្នុងប្រទេសអាហ្វហ្គានីស្ថាន នៅចំពោះមុខរលកចលាចលហិង្សាដែលបណ្ដាលឲ្យស្លាប់ទាហានអាមេរិក៤ នាក់ និងធ្វើឲ្យរបួសអ្នកផ្សេងទៀត។
ប្រធានអង្គការណាតូ លោកអេនឌើហ្វ័ករ៉ាស់មូសេនបាននិយាយដោយទទូចថា ការទុកចិត្តលែងមានទៀតហើយ រវាងកងទ័ពដឹកនាំដោយសម្ព័ន្ធភាព និង កម្លាំងសន្តិសុខអាហ្វហ្គានីស្ថាន ថ្វីបើឧប្បត្តិហេតុទាំងឡាយ ដែលនៅក្នុងនោះ ជនជាតិអាហ្វហ្គានីស្ថានបានបែរអាវុធទៅរកដៃគូអាមេរិករបស់គេនោះ ក៏ដោយ។
លោកបាននិយាយប្រាប់អ្នកយកព័ត៌មាននៅក្នុងអំឡុងទសន្សកិច្ចមួយ ទៅកាន់ក្រុងវ៉ាស៊ីងតោនថា ការវាយប្រហារទាំងនោះ« មិនបានបង្ហាញនូវរូបភាពនៃកិច្ចសហប្រតិបត្តិករប្រចាំថ្ងៃទាំងស្រុង ទេ« រវាងកងកម្លាំងជំនួយសន្តិសុខអន្តរជាតិ(ISAF) ដឹកនាំដោយអង្គការណាតូ និង កងទ័ពអាហ្វហ្គានីស្ថាន។
លោកនិយាយថា« ខ្ញុំសូមសំដែងនូវសេចក្ដីសោកស្ដាយចំពោះអំពើហិង្សា ដែលយើងបានឃើញនៅក្នុងអំឡុងពេល សប្ដាហ៍ចុងក្រោយ។ ប៉ុន្តែនៅទូទាំងប្រទេសកងទ័ព ISAFកំពុងបង្ហាញនូវភាពអត់ធ្មត់និង វិជ្ជាជីវៈនិយមមែនទែន។ រីឯកងកម្លាំងសន្តិសុខអាហ្វហ្គានីស្ថានបានបង្ហាញនូវភាពក្លាហាន គ្រប់គ្រាន់ នៅក្នុងកិច្ចប្រឹងប្រែងរបស់គេដើម្បីធ្វើឲ្យតិចបំផុតនូវ អំពើហិង្សា»។
ទីប្រឹក្សាយោធាអាមេរិកពីរនាក់ត្រូវបានគេបាញ់សម្លាប់នៅក្នុង ក្រសួងមហាផ្ទៃក្នុងទីក្រុងកាប៊ុលកាលពីថ្ងៃសៅរ៍ ប៉ុន្មានថ្ងៃបន្ទាប់ពីកងទ័ពអាមេរិក២នាក់ត្រូវបានទាហានអាហ្វហ្គានី ស្ថានម្នាក់សម្លាប់នៅភាគខាងកើតមក។ កាលពីថ្ងៃអាទិត្យទាហានអាមេរិក៧នាក់បានត្រូវរបួសនៅក្នុងអំឡុង ការវាយប្រហារគ្រាប់បែកដៃមួយក្នុងអំឡុងពេលបាតុកម្មប្រឆាំងអាមេរិក នៅក្នុងខេត្ត ឈន់ឌូភាគខាងជើង៕
0 មតិ:
Post a Comment