យោងទៅតាមប្រភពព័ត៌មានពីគេហទំព័រសិល្បៈ ហូលីវូដ ចេញផ្សាយកាលពីថ្ងៃ ២៧ ធ្នូ ឆ្នាំ២០១១ បានឱ្យដឹងថា ឡេឌី ហ្គាហ្គា តារាចម្រៀងអាមេរិកជាប់ជាតារាឆ្នើមសប្បុរសធម៌ប្រចាំឆ្នាំ ២០១១ ខណៈពេលដែលចាស្ទីន ប៊ីប៊ើ ឈរលំដាប់លេខ២ នាំមុខលោកចច ក្លូន្នី ស្ថិតនៅលំដាប់ថ្នាក់លេខ៣ ក្នុងបញ្ជីសប្បុរសធម៌ពីតារាល្បីៗ ។ ក្នុងឆ្នាំ២០១១នេះ ឡេឌី ហ្គា ហ្គា បានធ្វើការងារយ៉ាងសកម្មជាមួយនឹងអង្គការប្រយុទ្ធប្រឆាំងនឹង ជំងឺអេដស៍ និងការងារទារមទារសិទ្ធិសេរីភាពសម្រាប់មនុស្សភេទទី៣ ព្រមទាំងការងារសប្បុរសធម៌ផ្សេងៗទៀត ។
ចំណែកឯតារា ចម្រៀងវ័យក្មេងចាស្ទីនប៊ីប៊ើវិញ បានចូលរួមជាមួយអង្គការ Pencils of Promise ដែលបានកសាងសាលារៀនចំនួន៤១អគារ ក្នុងប្រទេសឡាវ ប្រទេសនីការ៉ាហ្គា និងប្រទេសក្វាតេម៉ាឡា៕
0 មតិ:
Post a Comment