យោងទៅតាមប្រភពព័ត៌មានកូរ៉េឆូ សុន ចេញផ្សាយកាលពីថ្ងៃអង្គារ ទី២៧ ធ្នូ ឆ្នាំ២០១១ បានឱ្យដឹងថា ក្រុមតារាចម្រៀង Girl Generation នៅតែរក្សាតំណែងជើងឯកជាក្រុមដែលមានប្រជាប្រិយភាពបំផុត ក្នុងរយៈពេល៣ឆ្នាំជាប់ៗគ្នាចុងក្រោយនេះ ។ ការស្ទង់មតិរបស់ Gallup Korea ថ្មីៗនេះ បានបង្ហាញថា ក្រុម Girl Genration នៅតែជាក្រុមមួយមានប្រជាប្រិយភាពជាងគេបំផុតក្នុងចំណោម ក្រុមល្បីៗប្រចាំឆ្នាំ២០១១នេះ ។
ការស្ទង់មតិនេះបានធ្វើទៅលើ មនុស្សគ្រប់ វ័យចំនួន៣៤០១នាក់ដែលមាន អាយុចន្លោះពី១៣ ដល់៥៩ឆ្នាំទូទាំងប្រទេស ដោយតម្រូវឱ្យអ្នកចូលរួមជ្រើសរើសយកក្រុមតារាចម្រៀងមួយ ក្នុងចំណោមក្រុមតារាចម្រៀងល្បីៗបីក្រុមរបស់ប្រទេសកូរ៉េដែលជាប់ ជាក្រុមល្អប្រចាំឆ្នាំ២០១១ ។ លទ្ធផលស្ទង់មតិនេះបង្ហាញថា ក្រុមតារាចម្រៀងសមាជិក៩នាក់ ទទួលបានប្រជាប្រិយភាពច្រើនជាងគេបំផុតដោយមានសំឡេងគាំទ្រ សរុប២៦% ពីមនុស្សគ្រប់ស្រទាប់វណ្ណៈ និងវ័យនាំមុខក្រុម Big Bang និង INFINITE ៕
0 មតិ:
Post a Comment