យើងទាំងអស់គ្នាសុទ្ធតែដឹងហើយថា លំហាត់ប្រាណគឺល្អចំពោះសុខភាព។ វាមិនត្រឹមតែធ្វើឲ្យរាងកាយរឹងមាំ និងអាយុវែងប៉ុណ្ណោះទេ ថែមទាំងធ្វើឲ្យអារម្មណ៍ស្រស់ថ្លាទៀតផង។ លើសពីនេះទៅទៀត លោកអ្នកក៏អាចទទួលបានជីវិតលើគ្រែដ៏ល្អប្រសើរតាមរយៈការហាត់ ប្រាណនេះថែមទៀតផង។ តើលំហាត់ប្រាណអាចបង្កើនរសជាតិសិចយ៉ាងដូចម្ដេច?
អ្នកហាត់ប្រាណមានអារម្មណ៍សិចស៊ី
ភាពសិចស៊ីគឺជាគ្រឿងផ្សំដ៏សំខាន់ក្នុងការរួមភេទ។ អ្នកដែលហាត់ប្រាណជាទូទៅតែងមានជំនឿចិត្តលើរាងកាយរបស់ខ្លួន ជាងអ្នកដែលមិនហាត់ប្រាណ។ ការសិក្សាបានបង្ហាញថា មោទនភាពលើរាងកាយរបស់ខ្លួន អាចធ្វើឲ្យមនុស្សមិនថាប្រុស ឬស្រីនោះទេទទួលបានអារម្មណ៍ស្រណុកសុខស្រួលក្នុងពេលរួមរ័កមេត្រី។ ទិន្នន័យក៏បានបង្ហាញផងដែរថា បុរស៦០ភាគរយ និងស្ត្រី៨០ភាគរយដែលហាត់ប្រាណ បានទទួលស្គាល់ថា ពួកគេពិតជាពេញចិត្តនឹងជីវិតផ្លូវភេទដ៏សកម្មជាមួយដៃគូ។
ហាត់ប្រាណបង្កើនសមត្ថភាពលើគ្រែ
ការសិក្សាមួយទៀតបានបង្ហាញថា បុរសស្ត្រីដែលមានសុខភាពរាងកាយមាំមួន ក៏មានសមត្ថភាពលើគ្រែខ្ពស់ដែរ។ អ្នកហាត់ប្រាណ៤-៥ដងក្នុងមួយសប្ដាហ៍បានសង្កេតឃើញថា ពួកគេមានកម្លាំងប្រយុទ្ធច្រើនដងជាងធម្មតា និងអាចគ្រប់គ្រងល្បឿនវាយលុក និងការដល់ចំណុចកំពូលផងដែរ។ មូលហេតុនេះអាចបណ្ដាលមកពីការហាត់ប្រាណបានធ្វើឲ្យមនុស្សអាចបញ្ជា លើសាច់ដុំ និងចលនាលំហូរឈាម ដែលផ្ដល់ឲ្យពួកគេនូវថាមពលក្នុងសមរភូមិលើគ្រែ។
ហាត់ប្រាណច្រើន រួមភេទក៏បានច្រើន
ការស្រាវជ្រាវបានឲ្យដឹងថា អ្នកដែលហាត់ប្រាណច្រើន អាចរួមភេទបានច្រើនដងដោយមិនបាក់កម្លាំង។ ទន្ទឹមនឹងនោះ ពួកគេក៏អាចទទួលបាននូវដៃគូរួមភេទដែលសកម្មនឹងរឿងលើគ្រែដូចគ្នា។ ដោយសារតែអ្នកហាត់ប្រាណច្រើនតែងមានដងខ្លួនឡូយ សិចស៊ី គួរឲ្យទាក់ទាញ ដូច្នេះហើយដៃគូរបស់ពួកគេទំនងជាមានអារម្មណ៍រោលរាលចង់រួមភេទម្ដង ហើយម្ដងទៀត នៅពេលដែលបានឃើញរាងកាយ និងសមត្ថភាពវាយប្រហារលើគ្រែដ៏គួរឲ្យជក់ចិត្តដូច្នេះ។
ហាត់ប្រាណការពារភាពជរានៃសិច
ថ្វីដ្បិតតែមនុស្សចាស់ជាទូទៅតែងប្រឈមនឹងការធ្លាក់ចុះនៃសមត្ថភាព ផ្លូវភេទក៏ពិតមែន ប៉ុន្តែអ្នកហាត់ប្រាណដែលមានអាយុចាប់ពី៦០ឆ្នាំមួយចំនួននៅតែងអាចរក្សាសុខភាពផ្លូវភេទរបស់ខ្លួនបានយ៉ាងមាំទាំដូចអ្នក ស្ថិតក្នុងវ័យ៣០ ឬ៤០ដូច្នោះដែរ។ ការសិក្សាមួយបានតាមដានកីឡាករហែលទឹកអាយុជាង៦០ឆ្នាំ បានរកឃើញថា ជីវិតផ្លូវភេទរបស់ពួកគេនៅតែមមាញឹកដូចមនុស្សស្ថិតក្នុងវ័យ២០ ឆ្នាំដែរ។
ហាត់ប្រាណការពារអសមត្ថភាពសិច
កន្លងមកអ្នកស្រាវជ្រាវតែងតែធ្វើការផ្សារភ្ជាប់រវាងទំនាក់ទំនងនៃ សុខភាពផ្លូវភេទទៅនឹងសុខភាពបេះដូង ដោយសារតែការខ្សោយលិង្គភាគច្រើនបង្កឡើងពីបញ្ហាលំហូរឈាម។ ដើម្បីធ្វើឲ្យអវយវៈភេទរឹងណែនល្អ វាទាមទារឈាមដើម្បីទៅចាក់បំពេញសរសៃ។ ដូច្នេះការស្ទះសរសៃឈាម សម្ពាធឈាមខ្ពស់ និងបញ្ហាបេះដូងដទៃទៀត ក៏អាចរួមចំណែកធ្វើឲ្យលិង្គខ្សោយ ឬងាប់បានដែរ។
លំហាត់ប្រាណអាចធ្វើឲ្យបេះដូង និងសរសៃឈាមមានសុខភាពល្អ និងកាត់បន្ថយបញ្ហាខ្សោយលិង្គ។
ហាត់ប្រាណក៏បង្កើនអ័រម៉ូនសប្បាយ
ការសិក្សាបានបង្ហាញថា លំហាត់ប្រាណអាចបង្កើនអ័រម៉ូនអង់ដូហ្វីន ដែលមានតួនាទីធ្វើឲ្យអារម្មណ៍រីករាយ។ ការរួមភេទក៏ទាមទារឲ្យមានការបញ្ចេញនូវអ័រម៉ូនអង់ដូហ្វីននេះដែរ ដើម្បីធ្វើឲ្យភាគីទាំងសងខាងឈានទៅដល់អារម្មណ៍ស្រណុកសុខស្រួល។
ហាត់ប្រាណបង្កើនភាពរឹងមាំពេលបញ្ចេញក្បាច់
សិចតម្រូវឲ្យដៃគូមានបច្ចេកទេស និងចេះក្បាច់ប្លែកៗជាច្រើន ដើម្បីធ្វើឲ្យជីវិតលើគ្រែរបស់ខ្លួនកាន់តែមានរសជាតិមិនចេះ ជិនណាយ។ ជាទូទៅ អ្នកដែលមានកាយសម្បទាមាំមួន និងកម្លាំងខ្លាំងក្លាតែងតែមានជម្រើសរសជាតិច្រើនក្នុងការ រួមភេទ។ ពួកគេមិនត្រឹមតែមានកម្លាំងអាចវាយប្រហារបានយូរប៉ុណ្ណោះទេ ថែមទាំងអាចបត់បែន ពត់ពេនរាងកាយ បានយ៉ាងច្រើនក្បាច់ច្រើនសណ្ឋាន ដែលអ្នកខ្ជិលហាត់ប្រាណមិនអាចធ្វើដូច។ ក្បាច់ប្រុសពស្រីវាយប្រហារពីមុខ ក្បាច់ស្រីសំយុងក្បាលដល់ដីឲ្យប្រុសនៅពីលើ និងក្បាច់៦៩បញ្ឈរជាដើម សុទ្ធតែតម្រូវឲ្យមានកម្លាំង និងតិចនិកក្នុងការបត់បែនរាងកាយ ទើបអាចញ៉ាំងឲ្យជីវិតលើគ្រែជួបតែភាពសប្បាយដល់ឋានសួគ៌៕
25,Jan,2012/02:58PM By: D3U
0 មតិ:
Post a Comment