រដ្ឋាភិបាលបារាំងបានប្រកាសផ្តល់ ជំនួយ៤លាន ៥សែនដុល្លារដល់កម្ពុជា ដើម្បីជួយពង្រឹងវិស័យពាណិជ្ចកម្ម អង្ករ។ ទឹកប្រាក់នេះនឹងត្រូវប្រើប្រាស់ ដោយភាគីពាក់ព័ន្ធនៅក្នុងវិស័យនេះ ទាំងអស់ រួមទាំងកសិករ ក្រុមហ៊ុននាំចេញអង្ករ និងរដ្ឋបាលសាធារណៈ។ ឯកអគ្គរដ្ឋទូតបារាំង ប្រចាំកម្ពុជាបានថ្លែងអោយដឹងថា ជំនួយលើនេះ គឺជាផ្នែកមួយនៃការសន្យារបស់លោកនាយករដ្ឋមន្ត្រី បារាំង François Fillon នៅក្នុងពេលដែលលោកធ្វើទស្សនកិច្ចនៅកម្ពុជា កាលពីខែកក្កដាឆ្នាំ មុន។
ឯកអគ្គរដ្ឋទូតបារាំងប្រចាំកម្ពុជា លោក Christian Connan, លោកអូន ព័ន្ធមុនីរ័ត្ន រដ្ឋលេខាធិការក្រសួងសេដ្ឋកិច្ច និងលោកAndré Pouilles-Duplaix នាយកទីភ្នាក់ងារអភិវឌ្ឍន៍បារាំង ប្រចាំកម្ពុជា អ្នកទាំងបីបានចុះហត្ថលេខារួមគ្នាមួយ កាលពីថ្ងៃទី២២កុម្ភៈលើ កិច្ចព្រមព្រៀងហិរញ្ញប្បទានមួយដើម្បីជួយអភិវឌ្ឍន៍វិស័យស្រូវអង្ករ កម្ពុជា។ ទឹកប្រាក់ដែលជាជំនួយរបស់រដ្ឋាភិបាលបារាំងតាមរយៈទីភ្នាក់ងារ អភិវឌ្ឍន៍បារាំង AFD មានទំហំ ៣លាន៥សែនអឺរ៉ូ ដែលស្មើនឹងជាង ៤លាន៥សែនដុល្លារ។ ទឹកប្រាក់នេះនឹងត្រូវជួយដល់យុទ្ធសាស្ត្រជាតិ សម្រាប់ការអភិវឌ្ឍ ការនាំចេញអង្ករ ដើម្បីបង្កើនប្រាក់ចំណូលដល់កសិករ និងអាជីវករក្នុងវិស័យនេះ។
ឯកអគ្គរដ្ឋទូតបារាំងប្រចាំកម្ពុជា លោក Christian Connan បានថ្លែងអោយដឹងថា ជំនួយនេះគឺជាផ្នែកមួយនៃការសន្យារបស់លោកនាយករដ្ឋមន្ត្រីបារាំង François Fillon នៅក្នុងឱកាសដែលលោកកំពុងបំពេញទស្សនកិច្ចនៅកម្ពុជាកាលពីខែកក្កដា ឆ្នាំមុន។
យោងតាមសេចក្តីប្រកាសព័ត៌មានរួមរបស់ស្ថានទូតបារាំង និងAFD ជំនួយហិរញ្ញវត្ថុនេះនឹងបានទៅដល់ការប្រើប្រាស់នៃភាគីពាក់ព័ន្ធ ជាច្រើនដែលរួមមានតាំងពីកសិករ រោងម៉ាស៊ីនស្រូវ ក្រុមហ៊ុននាំអង្ករចេញធនាគារនិងរដ្ឋបាលសាធារណៈ។
នាយក AFD បានថ្លែងថា តាមរយៈការជួយពង្រឹង និងការរៀបចំរចនាសម្ព័ន្ធនៃគ្រប់ភាគីពាក់ព័ន្ធពិសេសកសិករ គម្រោងនេះនឹងរួមចំណែកក្នុងការធ្វើទំនើបកម្មវិស័យដំណាំស្រូវនៅ កម្ពុជា ដែលជាដំណាំប្រពៃណី និងជាសរសរទ្រូងដ៏សំខាន់នៃសេដ្ឋកិច្ចកម្ពុជា។
គួរបញ្ជាក់ថា រដ្ឋាភិបាលកម្ពុជាបានដាក់ទិសដៅ និងធ្វើយ៉ាងណាអោយកម្ពុជាក្លាយជាប្រទេសនាំអង្ករចេញធំជាងគេ នៅក្នុងពិភពលោកក្នុងពេលអនាគតដ៏ខ្លីខាងមុខនេះ៕
ប្រភព៖ RFI
ឯកអគ្គរដ្ឋទូតបារាំងប្រចាំកម្ពុជា លោក Christian Connan បានថ្លែងអោយដឹងថា ជំនួយនេះគឺជាផ្នែកមួយនៃការសន្យារបស់លោកនាយករដ្ឋមន្ត្រីបារាំង François Fillon នៅក្នុងឱកាសដែលលោកកំពុងបំពេញទស្សនកិច្ចនៅកម្ពុជាកាលពីខែកក្កដា ឆ្នាំមុន។
យោងតាមសេចក្តីប្រកាសព័ត៌មានរួមរបស់ស្ថានទូតបារាំង និងAFD ជំនួយហិរញ្ញវត្ថុនេះនឹងបានទៅដល់ការប្រើប្រាស់នៃភាគីពាក់ព័ន្ធ ជាច្រើនដែលរួមមានតាំងពីកសិករ រោងម៉ាស៊ីនស្រូវ ក្រុមហ៊ុននាំអង្ករចេញធនាគារនិងរដ្ឋបាលសាធារណៈ។
នាយក AFD បានថ្លែងថា តាមរយៈការជួយពង្រឹង និងការរៀបចំរចនាសម្ព័ន្ធនៃគ្រប់ភាគីពាក់ព័ន្ធពិសេសកសិករ គម្រោងនេះនឹងរួមចំណែកក្នុងការធ្វើទំនើបកម្មវិស័យដំណាំស្រូវនៅ កម្ពុជា ដែលជាដំណាំប្រពៃណី និងជាសរសរទ្រូងដ៏សំខាន់នៃសេដ្ឋកិច្ចកម្ពុជា។
គួរបញ្ជាក់ថា រដ្ឋាភិបាលកម្ពុជាបានដាក់ទិសដៅ និងធ្វើយ៉ាងណាអោយកម្ពុជាក្លាយជាប្រទេសនាំអង្ករចេញធំជាងគេ នៅក្នុងពិភពលោកក្នុងពេលអនាគតដ៏ខ្លីខាងមុខនេះ៕
ប្រភព៖ RFI
0 មតិ:
Post a Comment