ខេត្តឧត្ដរមានជ័យ ៖ ប្រជាពលរដ្ឋខ្មែរម្នាក់ត្រូវ បានទាហានថៃបាញ់ស្លាប់ ក្នុងចំណោមគ្នាគាត់ ០៧នាក់ ដែលនាំគ្នាទៅអូសឈើក្រញូង ក្នុងចំណុចអូរច្រោក ភូមិសាស្ត្រភូមិថ្នល់កែង ឃុំផ្អាវ ស្រុកត្រពាំងប្រាសាទ ខេត្តឧត្ដរមានជ័យ កាលពីថ្ងៃទី១១ ខែកុម្ភៈ ឆ្នាំ២០១២ វេលាម៉ោ ១០និង០០នាទី ចម្ងាយប្រហែល ០៥គីឡូម៉ែត្រ ពីព្រំដែនក្នុងទឹកដីថៃ ។ ប្រជាពលរដ្ឋដែលស្លាប់ឈ្មោះ ចាំង ពុទ្រា ភេទ ប្រុស អាយុ ២៣ឆ្នាំ រស់នៅភូមិថ្នល់កែង ឃុំផ្អាវស្រុកត្រពាំងប្រាសាទ ខេត្តឧត្ដរមានជ័យ ត្រូវទាហានថៃបាញ់ចំដើមទ្រូងបៀមគ្រាប់ រួចហើយពួកវានាំគ្នាសែងយកទៅបានបន្តិចជនរងគ្រោះក៍ដាច់ខ្យល់ ស្លាប់ ពួកវាក៍ទុកចោលតាមផ្លូវ ។ សពនោះត្រូវបានប្រជាពលរដ្ឋ ០៦នាក់ ដែលរត់គេចខ្លួនរូច នាំគ្នាទៅយកសពមកដល់ភូមិវិញ នៅម៉ោង ១៨និង៣០នាទី ល្ងាចថ្ងៃទី១២ ខែកុម្ភៈ ឆ្នាំ២០១២ ដើម្បីរៀបចំធ្វើបុណ្យតាមប្រពៃណី ។
ប្រភព៖ អគ្គស្នងការដ្ឋាននគបាលជាតិ
0 មតិ:
Post a Comment