ការរំលាយឡូត៍នេសាទ និងក្រោយមក វានឹងមានការបង្កើតតំបន់អភិរក្ស ប្រភេទត្រីមួយចំនួន នេះទំនងជាវិធីដែលត្រូវធ្វើ ដើម្បីបង្កើនទិន្នផលត្រីទឹកសាបឡើង វិញ។ លោកនាយករដ្ឋមន្ត្រីបានអះអាងហើយថា លោកបានទទួលព័ត៌មានថា ទិន្នផលបានកើនឡើងមែន ក្រោយពីការប្រកាសបិទឡូត៍នេសាទទាំង ៣៥កាល ពីប៉ុន្មានខែមុននោះ។
បើស្តាប់ការបញ្ជាក់របស់លោកនាយករដ្ឋន្ត្រី ក្រុមមន្ត្រីជំនាញរបស់រដ្ឋាភិបាលបានពិភាក្សាគ្នាយ៉ាងម៉ត់ចត់មុន ឈានដល់ការសម្រេចបិទឡូត៍នេសាទជារៀងរហូត ដែលប្រការនេះគឺការកែទម្រង់យ៉ាងខ្លាំងមួយនៅក្នុងវិស័យជលផល។ ឡូត៍នេសាទនៅកម្ពុជាមានវត្តមានតាំងពីសម័យបារាំងមកម្ល៉េះ។
លោកនាយករដ្ឋមន្ត្រីបានប្រកាសរំលាយឡូត៍នេសាទនៅថ្ងៃនេះ មុនពេលដែលក្រសួងធនធានទឹកនិងអាជ្ញាធរទន្លេសាបប្រកាសលើកពេលរៀបចំ សិក្ខាសាលាថ្នាក់ជាតិ ស្តីអំពីការគ្រប់គ្រងធនធានក្នុងបឹងទន្លេសាប។ សិក្ខាសាលាថ្នាក់ជាតិគ្រោងរៀបចំធ្វើនៅថ្ងៃទី២៩កុម្ភៈ និងថ្ងៃ១មីនានេះ។ នៅក្នុងសិក្ខាសាលានោះ បទបង្ហាញជាច្រើនស្តីពីធនធានបឹងទន្លេសាប រួមទាំងសារៈប្រយោជន៍នៃព្រៃលិចទឹកផង គឺជាប្រធានបទនៃកិច្ចពិភាក្សា៕
ប្រភព៖ RFI
0 មតិ:
Post a Comment