រាជធានីភ្នំពេញ ៖ នៅថ្ងៃទី០៦ ខែកុម្ភៈ ឆ្នាំ២០១២ព្រឹកថ្មីៗនេះ នៅស្នងការដ្ធាននគរបាលរាជធានីភ្នំពេញបានធ្វើសន្និសិទ្ឋកាសែតបង្ហាញមុខមាត់ជនសង្ស័យ ចំនួន ០៣នាក់ និងអាវុធខ្លី ចំនួន ០៣ដើម ដោយលោកវរសេនីយ៍ទោ ជួន ណារិន នាយការិយាល័យព្រហ្មទណ្ឌកម្រិតធ្ងន់ ។
ដោយមានការដឹកនាំបញ្ជាពី ឯកឧត្តម នាយឧត្តមសេនីយ៍ អគ្គស្នងការនគរបាលជាតិ លោកឧត្តមសេនីយ៍ស្នងការ គណៈបញ្ជារការឯកភាពរាជធានីភ្នំពេញ និងដោយមានការដឹកនាំផ្ទាល់ពី លោកឧត្តមសេនីយ៍ត្រី ប៉ុល ភិធេយ្យ ស្នងការរង និងមានការសំរបសំរួលពី លោក សុខ រឿន ព្រះរាជអាជ្ញារង នៃអយ្យការ អមសាលាដំបូងរាជធានីភ្នំពេញ។ នៅថ្ងៃទី០៤ ខែកុម្ភៈ ឆ្នាំ២០១២ ការិយាល័យនគរបាលព្រហ្មទណ្ឌកំរិតធ្ងន់ បានឃាត់ជនសង្ស័យ ចំនួន ០៣នាក់ និងដកហូត អាវុធខ្លី ចំនួន ០៣ដើម (អាវុធខ្លីម៉ាក កា៥៤ ចំនួន ០២ដើម, ម៉ាករ៉ូឡូ ០១ដើម ) ក្រោយពីការឃាត់ខ្លួន ពិនិត្យឃើញ ជនសង្ស័យនោះមានឈ្មោះ ១-ឈ្មោះ គង់ សុវណ្ណារ៉ា ភេទប្រុស អាយុ ២៨ឆ្នាំ ជនជាតិខ្មែរ ទីលំនៅសព្វថ្ងៃ ផ្ទះលេខ ៥០ ផ្លូវព្រះនរោត្តម សង្កាត់ទន្លេបាសាក់ ខណ្ឌចំការមន មុខរបរ មិនពិតប្រាកដ ២-ឈ្មោះ ពុំ រ៉ៃយ៉ា ភេទប្រុស អាយុ ២៤ឆ្នាំ ជនជាតិខ្មែរ ទីលំនៅសព្វថ្ងៃ ផ្ទះគ្មានលេខ ផ្លូវលេខ ២៧១ សង្កាត់ទំនប់ទឹក ខណ្ឌចំការមន មុខរបរមិនពិតប្រាកដ ៣-ឈ្មោះ ផាន់ សេរីវុធ ភេទប្រុស អាយុ ២៩ឆ្នាំ ជនជាតិខ្មែរ ទីលំនៅសព្វថ្ងៃ ផ្ទះលេខ ៩៤ ផ្លូវលេខ៦៣ សង្កាត់បឹងរាំង ខណ្ឌដូនពេញ មុខរបរមិនពិតប្រាកដ ជនសង្ស័យទាំង ០៣នាក់ ខាងលើ ធ្លាប់ធ្វើសកម្មភាពលួចមានស្ថានទម្ងន់ទោសប្រើហិង្សាមានអាវុធយកម៉ូតូ និង សម្ភារៈ យ៉ាងសកម្មក្នុងរាជធានីភ្នំពេញមានចំនួន ១០ករណី ដូចជា៖ ករណីទី១ ៖ ករណីលួចមានស្ថានទម្ងន់ទោស(ប្រើហិង្សាមានអាវុធ) យកម៉ូតូម៉ាកហុងដា ស្កុបពី ពណ៌ខ្មៅ+លឿងខ្ចី ពាក់ស្លាកលេខ ភ្នំពេញ 1AV-9314 និងសម្ភារៈ កាលពីថ្ងៃទី៣០ ខែតុលា ឆ្នាំ២០១១ វេលាម៉ោង ០២និង៣០នាទី នៅចំនុចជាប់របងអង្គភាពប្រឆាំងអំពើពុករលួយ ផ្លូវលេខ ១៧២ ក្រុម ៥៣ ភូមិ១០ សង្កាត់ផ្សារថ្មី៣ ខណ្ឌដូនពេញ ដែលមានជនរងគ្រោះឈ្មោះ ហម សាំងហេង ស្នាក់នៅផ្ទះលេខ ០១ ផ្លូវនរោត្តម ទន្លេបាសាក់ ខណ្ឌចំការមន មុខរបរ និស្សិតបញ្ញាសាស្ត្រ, ករណីទី២ ៖ ករណីលួចមានស្ថានទម្ងន់ទោស(ប្រើហិង្សាមានអាវុធ) យកអាយផេត , ទូរស័ព្ទដៃម៉ាក LG ស៊ីម ២ និងកាបូបយួរដៃពណ៌ស ០១ កាលពីថ្ងៃទី០៤ ខែមករា ឆ្នាំ២០១២ វេលាម៉ោង ១៦និង៣០នាទី នៅចំនុចមុខផ្ទះលេខ១៩ ផ្លូវលេខ៤២៦ សង្កាត់ទួលស្វាយព្រៃ២ ខណ្ឌចំការមន ដែលមានជនរងគ្រោះឈ្មោះ នង សុភ័ក្រ ភេទប្រុស អាយុ ២៤ឆ្នាំ ស្នាក់នៅផ្ទះលេខ១៥៩ ផ្លូវលេខ១៦៣ ភូមិ០៩ សង្កាត់ទួលទំពូង២ ខណ្ឌចំការមន មុខរបរ យោធា, ករណីទី៣ ៖ ករណីលួចមានស្ថានទម្ងន់ទោស(ប្រើហិង្សាមានអាវុធ)យកទូរស័ព្ទដៃ និងខ្សែករ កាលពីថ្ងៃទី០៧ ខែមករា ឆ្នាំ២០១២ វេលាម៉ោង ២១និង០០នាទី នៅត្រង់ចំណុចក្នុងផ្ទះលេខ៤៥ ផ្លូវលេខ៤២៦ ក្រុម១៩ ភូមិ០៣ សង្កាត់ទួលទំពូង២ ខណ្ឌចំការមន ដែលមានជនរងគ្រោះឈ្មោះ យ៉ែម ដារ៉ា ភេទប្រុស អាយុ ២៣ឆ្នាំ ស្នាក់នៅផ្ទះលេខ៤៥ ផ្លូវ៤២៦ ក្រុម១៩ ទួលទំពួង២ ខណ្ឌចំការមន មុខរបរ អ៊ុតសក់, ករណីទី4 ៖ ករណីមនុស្សឃាតដោយចេតនា(មិនសំរេច)ប្រើអាវុធ កាលពីថ្ងៃទី០៨ ខែមករា ឆ្នាំ២០១២ វេលាម៉ោង ២២និង០០នាទី នៅត្រង់ចំណុច ក្លោងទ្វារ សកលវិទ្យាល័យ បៀលប្រាយ ផ្លូវសុធារសភូមិ១ សង្កាត់ទន្លេបាសាក់ ខណ្ឌចំការមន ដែលមានជនរងគ្រោះឈ្មោះ យ័ន ប៊ុនធឿន ភេទប្រុស អាយុ ២៤ឆ្នាំ ផ្ទះលេខ 01GAI2 ផ្លូវសុធារស ទន្លេបាសាក់ ចំការមន មុខរបរនៅផ្ទះ, ករណីទី៥ ៖ ប្លន់នៅផ្សារបឹងត្របែក កាលពីខែសីហា ឆ្នាំ២០១១, ករណីទី៦ ៖ ប្លន់នៅក្រោយទូតចិន កាលពី ខែ៩ ឆ្នាំ២០១១, ករណីទី៧ ៖ ប្លន់នៅក្រោយសាលាដើមថ្កូវ កាលពី ខែ៥ ឆ្នាំ២០១១, ករណីទី៨ ៖ ប្លន់នៅផ្សារបឹងកេងកងកាលពីខែ១០ ឆ្នាំ២០១១, ករណីទី៩ ៖ ប្លន់នៅជាប់សាលាស៊ីសុវត្ថិ កាលពីខែ១១ ឆ្នាំ២០១១ និង ករណីទី១០ ៖ ប្លន់នៅមុខមន្ទីពេទ្យរុស្ស៊ី ៕
0 មតិ:
Post a Comment