មាឃបូជា គឺជាឈ្មោះបុណ្យមួយសំរាប់ពុទ្ធសាសនា ធ្វើក្នុងថ្ងៃពេញបូណ៌មីខែមាឃ ដើម្បី រំឮកដល់សាវកសន្និបាត «ការប្រជុំសាវ័ក» នៃព្រះសម្ពុទ្ធដែលហៅថា ចតុរង្គសន្និបាត «ការប្រជុំមានអង្គបួន» គឺ
១. ថ្ងៃនោះព្រះចន្ទចរចូលដល់មាឃនក្សត្រ(ថ្ងៃពេញបូរណ៌មីខែមាឃ)។
២.ព្រះភិក្ខុសង្ឃចំនួន១.២៥០អង្គ ឥតបានកំណត់ពេលគ្នាជាមុនសោះ ក៏ស្រាប់តែមកប្រជុំព្រមគ្នា ក្នុងសំណាក់ព្រះបរមសាស្តា។
៣.ព្រះភិក្ខុសង្ឃទាំងអម្បាលនោះ សុទ្ធតែជាឯហិភិក្ខុដូចគ្នាទាំងអស់។
៤.ព្រះភិក្ខុសង្ឃទាំងនោះសុទ្ធតែជាព្រះអរហន្ត។
ការប្រជុំមានអង្គ៤ដូច្នេះ ក្នុងពុទ្ធសម័យមានតែម្តងគត់, ក្នុងវេលានោះ ព្រះសម្មាសម្ពុទ្ធទ្រង់ត្រាស់សម្តែងឱវាទបាតិមោក្ខ...។ ពួកពុទ្ធមាមកជនគ្រប់ប្រទេសក្នុងសាសនកាលរៀងមក កំណត់យកថ្ងៃពេញបូណ៌មីខែមាឃរាល់ឆ្នាំ ថាជាថ្ងៃសំខាន់មួយក្នុងការធ្វើបូជា។
ដោយឡែកសម្រាប់ប្រទេសកម្ពុជា នៅថ្ងៃទី៧ ខែ កុម្ភៈ ឆ្នាំ ២០១២ ត្រូវនឹងថ្ងៃ១៥កើត ខែមាឃ មន្ត្រីរាជកា គ្រប់ស្ថាប័ន្ថ ក្រសួង មន្ទីរ និងសិស្សានុសិស្ស ទាំងអស់គ្នាត្រូវបានឈប់សម្រាក ។
ដូច្នេះ បើអាចឆ្លៀតឱកាសបាន គួរគប្បីនាំគ្នាទៅទីវត្តអារាម ឬទីកន្លែងគោរពបូជាផ្សេងៗ
ដើម្បីសន្សំបុណ្យកុសល ដុសខាត់សំអាតចិត្តគំនិតឱ្យល្អផូរផង់ ទុកជាឧបនិស្ស័យសំរាប់អនាគតជាតិ និងក៏ដើម្បីចេញចាកពីលោកនេះឆ្ពោះទៅកាន់ព្រះនិព្វាន!
0 មតិ:
Post a Comment