រាជធានីភ្នំពេញ ៖ សម្តេចនាយករដ្ឋមន្រ្តី ហ៊ុន សែន បានអំពាវនាវកុំអោយយុវវ័យយកថ្ងៃនៃក្តីស្រលាញ់របស់គេ ប្រពៃណីគេ ឡើងផ្ទះសំណាក់ ពីព្រោះពិធីបុណ្យនៃក្តីស្រលាញ់មិនមែនជាប្រពៃណីទំនៀម ទំលាប់របស់ខ្មែរទេ។ សម្តេចតេជោបានបញ្ជាក់ទៀតថា ថ្ងៃនៃក្តីស្រលាញ់មិនមែនមានតែ១ថ្ងៃនេះទេ គឺមាន៣៦៥ថ្ងៃ សម្រាប់ឪពុកម្តាយនិងក្រុមគ្រួសាររបស់យើង ។
ប្រសាសន៍ថ្លែងរបស់សម្តេចនាយករដ្ឋមន្រ្តី ហ៊ុន សែន យ៉ាងដូច្នេះ គឺបានធ្វើឡើងនៅព្រឹកថ្ងៃទី១៤ កុម្ភៈ ២០១២នេះ ក្នុងឱកាសដែលសម្តេចអញ្ជើញជាអធិបតីភាពដ៏ខ្ពង់ខ្ពស់ក្នុងពិធីសម្ពោធ បើកការដ្ឋានសាងសង់និងពង្រីកកំណាត់ផ្លូវជាតិ លេខ៦A (សម្តេចណែនាំឱ្យហៅត្រឹមផ្លូវជាតិលេខ៦) ចាប់ពីមុខក្រសួងសុខាភិបាលថ្មី ស្ថិតក្នុងសង្កាត់ព្រែកលៀប ខណ្ឌឫស្សីកែវ ទៅដល់ផ្លូវកែង ឬផ្លូវបំបែកព្រែកក្តាម ស្រុកបាធាយ ខេត្តកំពង់ចាម ។
ក្នុងឱកាសនោះផងដែរ សម្តេចអគ្គមហាសេនាបតីតេជោហ៊ុន សែន ក៏បានអំពាវនាវឱ្យអាជ្ញាធរគ្រប់លំដាប់ថ្នាក់ត្រូវបង្កើនការការពារ សុវត្ថិភាពក្នុងឱកាសការបោះឆ្នោតជ្រើសរើស
សមាជិកក្រុមប្រឹក្សាឃុំ-សង្កាត់ ដែលនឹងប្រព្រឹត្តទៅនៅថ្ងៃទី៣ មិថុនា ២០១២ខាងមុខ ធ្វើយ៉ាងណាអោយបរិយាកាសនៃការបោះឆ្នោតប្រព្រឹត្ត ទៅប្រកបដោយជោគជ័យនិងគ្មានអំពើហិង្សា។
សមាជិកក្រុមប្រឹក្សាឃុំ-សង្កាត់ ដែលនឹងប្រព្រឹត្តទៅនៅថ្ងៃទី៣ មិថុនា ២០១២ខាងមុខ ធ្វើយ៉ាងណាអោយបរិយាកាសនៃការបោះឆ្នោតប្រព្រឹត្ត ទៅប្រកបដោយជោគជ័យនិងគ្មានអំពើហិង្សា។
គួរបញ្ជាក់ថា កំណាត់ផ្លូវជាតិលេខ៦A (ដូរមកលេខ៦វិញ) ដែលត្រូវបានបើកការដ្ឋានសាងសង់និងពង្រីកនាព្រឹក ថ្ងៃអង្គារនេះមានទទឹងតួផ្លូវទំហំ២៦ម៉ែត្រ ចាក់កៅស៊ូប្រភេទអាសេឆ្លងកាត់ស្ពាន-លូ៩កន្លែងប្រវែង២៣៨ម៉ែត្រ សាងសង់ដោយក្រុមហ៊ុនសៀងហៃគ្រុប ចំណាយថវិកាជាង៧០លានដុល្លារ បានមកពីកម្ចីឥណទានសម្បទានរបស់រដ្ឋាភិបាលចិន និងប្រាក់បដិភាគរបស់រាជរដ្ឋាភិបាលសម្រាប់ដោះស្រាយផលប៉ះពាល់ប្រជាពល រដ្ឋនៅតាមផ្លូវ។ ទីតាំងសម្ពោធត្រូវបានរៀបចំវេទិកានៅកន្លែងអតីតចំណតរថយន្តព្រែក លៀបភូមិខ្ទរ សង្កាត់ព្រែកលៀប ខណ្ឌឫស្សីកែវ រាជធានីភ្នំពេញ ៕
0 មតិ:
Post a Comment