កូរ៉េខាងត្បូង និងស.រ.អាបានចាប់ផ្ដើម ការធ្វើសមយុទ្ធយោធារួមប្រចាំឆ្នាំនៅថ្ងៃច័ន្ទនេះទោះបីជាមានការគម្រាមពីកូរ៉េខាងជើងកាលពីសប្ដាហ៍មុនថានឹងបើកសង្រ្គាមពិសិដ្ធ បើប្រសិនជាដែនដីរបស់ខ្លួនបានត្រូវបំពាន។
អ្នកនាំពាក្យនៃក្រសួងការពារប្រទេសកូរ៉េខាងត្បូង លោក គីម មិន ស៊ូក បានហៅសមយុទ្ធនោះថា ជាសមយុទ្ធប្រក្រតី ដោយលោកនិយាយពន្យល់ទៀតថាជាសមយុទ្ធដូចគ្នាកាលពីឆ្នាំមុនៗ។
លោកថ្លែងថា កូរ៉េខាងជើង បានគម្រាមយើងរាល់ៗឆ្នាំ នៅមុនពេលធ្វើសមយុទ្ធ ដែលដាក់ឈ្មោះថា សមយុទ្ធដោះស្រាយជាគន្លឹះ (Key Resolve Exercise)។ តែយើងធ្វើសមយុទ្ធដូចបានត្រូវគ្រោងទុកជាមុន ដោយមិនខ្វាយខ្វល់ទៅនឹងការគម្រាមទេ។
បណ្ដាញព័ត៌មានរដ្ឋរបស់កូរ៉េខាងជើងនិយាយថាមេបញ្ជាការកំពូល គីម ចុង អ៊ុនបានចេញបញ្ជាឲ្យមានការប្រុងប្រៀបរៀបចំសម្រាប់សង្រ្គាម៕
0 មតិ:
Post a Comment