អាថ៌កំបាំងដែលមានឈ្មោះថា ២០១២! ~ សារព័ត៌មានកម្ពុជា

តាមទ្រីស្តីបទមួយចំនួន និងខ្សែភាពយន្តជាច្រើន នោះពិភពលោកនឹងត្រូវបញ្ចប់នៅឆ្នាំ២០១២។ វាត្រូវបានចាត់ទុកជាថ្ងៃអវសាន្តចុងក្រោយ។

ទ្រឹស្តីបទពីថ្ងៃអវសាន្តឆ្នាំ២០១២ ត្រូវបានលើកឡើង ដោយសំអាងលើទល្ហីករណ៍ ៥ គឺៈ

រូបៈ មនុស្សភាគច្រើនលើកឡើងថា គ្រោះមហន្តរាយធម្មជាតិបែបនេះ នឹងកើតឡើងនៅឆ្នាំ២០១២។

រូបៈ ឆ្នាំ២០១២ ដែលត្រូវចាត់ទុកជាទិវាចុងក្រោយរបស់ផែនដី

១- Doomsday Planet

Doomsday Planet ជាឈ្មោះទី២ របស់ Planet X - ពិភពមួយដែលវិលជុំវិញតារាវិថីរបស់យើង ដែលក្នុង១ជុំ មានរយៈពេល ៣៦០០ឆ្នាំ។

អ្នកផ្សព្វផ្សាយ ទ្រឹស្តីបទអំពីថ្ងៃអវសាន្តឆ្នាំ២០១២ ឲ្យដឹងថា នៅឆ្នាំនោះ ពិភព Planet X នឹងដើរដល់ចំណុចកណ្តាលនៃព្រះអាទិត្យ និង ផែនដី។ វាបង្ហាញវត្តមានដូចជាព្រះអាទិត្យទី២។ វានឹងបង្កគ្រោះមហន្តរាយដែលយើងនឹកស្មានមិនដល់ ដូចជាៈ រញ្ជួយដី មហាព្យុះសង្ឃរា... ប៉ុន្តែក៏មានមនុស្សច្រើនដែរ ដែលបដិសេធថា មិនមានពិភពអ្វីដូចជា Niburu ឬ Planet X នេះឡើយ។

២- ប្រតិទិនរបស់ជនជាតិ Maya អំពីឆ្នាំ២០១២

តាមការយល់ដឹងរបស់បណ្តាអ្នកជំនាញការអំពី ប្រតិទិន របស់ជនជាតិ Maya បូរាណ នោះឆ្នាំបញ្ចប់នៃប្រតិទិនេះ គឺថ្ងៃទី 21/12/2012។ ប្រការនេះ ពុំមែនជាចំណុចបញ្ចប់របស់ពិភពលោក ដូចដែលមនុស្សមួយចំនួនយល់ឃើញនោះទេ។ ប៉ុន្តែវាអាចជាការចាប់ផ្តើមនៃយុគ្គសម័យថ្មីមួយ បន្ទាប់ពីដំណើរដ៏វែងអន្លាយនៃប្រតិទិនមាន ១.៨៧២.០០០ ថ្ងៃ របស់ជនជាតិ Maya។

៣- រយៈវេលារបស់ប្រព័ន្ធព្រះអាទិត្យ ២០១២ (Cycle)

នៅឆ្នាំ២០១២ រយៈវេលា (Cycle) នៃប្រព័ន្ធព្រះអាទិត្យ ត្រូវបានចាត់ទុកថា នឹងឈានដល់ចំណុចកំពូលរបស់វា ហើយបង្កឡើងនូវបាតុភូតព្រះអាទិត្យភ្លើង ជាហេតុធ្វើឲ្យខូចខាតដ៏ធ្ងន់ធ្ងរ ចំពោះបញ្តាផ្កាយរណប និងបណ្តាញអគ្គិសនី។ វាត្រូវបានចាត់ទុកថា ធ្វើឲ្យមានការកាត់ផ្តាច់យ៉ាងធំធេង ចំពោះឋាមពលអគ្គិសនី ពិសេសគឺនៅអាមេរិក។ ថ្វីបើដូច្នោះក៏ដោយ ពួកអ្នកវិទ្យាសាស្រ្ត ក៏បាននិយាយថា ព្រះអាទិត្យភ្លើង ពុំមែនជាបាតុភូតថ្មីឡើង ព្រោះវាធ្លាប់បានកើតឡើង ក្នុងអតីតកាល...។

៤- ព្រឹត្តិការណ៍ចក្រវាឡ ២០១២

នៅថ្ងៃទី 21/12/2012 នៅគន្លងវិថី នៃចក្រវាឡ ព្រះអាទិត្យ និងផែនដី ស្ថិតនៅបន្ទាត់បញ្ជូនជាមួយគ្នា ដែលនឹងបង្កនូវការរញ្ជួយដី គួរឲ្យរន្ធត់ តក់ស្លុត។ អ្នកវិទ្យាសាស្រ្ត ដូចជា Meil Degrasse Tyson មិនបានចាត់ទុកថា ជាការព្យាករណ៍រឹងមាំទេ។ ព្រឹត្តិការណ៍នេះ កើតឡើងជាប្រចាំ ហើយវាពុំមែនជារឿងអប្រក្រតីភាពនោះទេ។

៥- ការព្យាករណ៍ Nostradamus 2012

Nostradamus ជាអ្នកវិទ្យាសាស្រ្តមួយរូប ធ្លាប់បានលើកឡើងពីការព្យាករណ៍ថ្ងៃអវសាន្តនៅឆ្នាំ២០១២។ ប៉ុន្តែការប្រកាសរបស់លោក ធ្លាប់បានបង្កនូវការជជែកវែកញែកដ៏ច្រើនរបស់មនុស្សលោក ក្នុងប្រវត្តិសាស្រ្ត។ ប៉ុន្តែប្រការនេះ មិនមានមូលដ្ឋាន គ្រាដែលលោករួមនឹងការព្យាករណ៍ទាំងឡាយផ្សេងទៀតរបស់ខ្លួន បានបង្កនូវកំហុសឆ្គងច្រើនក្នុងអតីកាល៕

ប្រភពពី៖ ខ្មែរស្ថាបនា