ភ្នំពេញ ៖ ដើម្បីបម្រើឲ្យការផ្សព្វផ្សាយនូវព្រឹត្តិការណ៍ធំៗជាច្រើនចាប់តាំងពី ឆ្នាំ២០១២នេះ និង ដោយមើលឃើញពីកង្វះខាត និង តម្រូវការជាបន្ទាន់របស់វិទ្យុជាតិកម្ពុជា ដែលជាស្ថាប័នផ្សព្វ ផ្សាយរបស់រដ្ឋដ៏មានសារៈសំខាន់នោះ ឯកឧត្តម ខៀវ កាញារីទ្ធ រដ្ឋមន្ដ្រីក្រសួងព័ត៌មាន និង លោក ជំទាវ បានប្រគល់អំណោយរថយន្តបំពងសំលេង ១គ្រឿងដែលមានបំពាក់ទៅដោយសម្ភារៈទំនើប និង ឧបករណ៍បំពងសំលេងផង ដើម្បីយកទៅបំរើការងារផ្សព្វផ្សាយព័ត៌មានសំខាន់ៗ ដែលបម្រើដល់ គោលនយោបាយរបស់រាជរដ្ឋាភិបាលនោះ។
នៅក្នុងពិធីប្រគល់ និង ទទួលនៅទីស្តីការក្រសួងព័ត៌មាន កាលពីថ្ងៃទី ៦ កុម្ភះឯកឧត្តម រដ្ឋមន្ត្រីបានបញ្ជាក់ថា ការផ្ដល់រថយន្តបំពងសំលេងដល់វិទ្យុជាតិនេះ គឺដោយសារកន្លងមកវិទ្យុ ជាតិកម្ពុជាមានរថយន្តបំពងសំលេងតែ ២ គ្រឿងប៉ុណ្ណោះ ដែលមិនអាចបំពេញតាមសេចក្តីត្រូវការ នៃសកម្មភាពរបស់ថ្នាក់ដឹកនាំ ក៏ដូចជាព្រឹត្តិការណ៍សំខាន់ៗជាច្រើន ដែលកម្ពុជាកំពុងត្រៀមខ្លួនធ្វើ នាពេលខាងមុខនេះ។
ឯកឧត្តមរដ្ឋមន្ត្រីថ្លែងថា នៅក្នុងឆ្នាំនេះកម្ពុជាមានព្រឹត្តិការណ៍ធំៗជាច្រើនដូចជា កិច្ច ប្រជុំកំពូលអាស៊ាន និង ការបោះឆ្នោតក្រុមប្រឹក្សាឃុំ-សង្កាត់ជាដើម ដែលជាការងារមួយតម្រូវឲ្យ យើងមានសម្ភារៈគ្រប់គ្រាន់ដើម្បីបំរើការទៅបានរលូន ។ ឯកឧត្តមរដ្ឋមន្ត្រីបានបន្តថា រថយន្តមួយ គ្រឿងនេះបានបំពាក់សម្ភារៈទំនើបទាំងអស់ ដែលអាចចល័តចេញទៅទីណាក៏បានយ៉ាងងាយ ស្រួល ហើយអាចថតចាក់ផ្សាយបានភ្លាមៗ និង អាចពង្រីកប្រព័ន្ធបំពងសម្លេងនៅក្នុងទីកន្លែងប្រ ជុំធំៗដែលមានអ្នកចូលររួមរហូតដល់ជាង ១ ម៉ឺននាក់អាចស្ដាប់បានផងដែរ ៕
0 មតិ:
Post a Comment