តារាវិទូអង់គ្លេសបានផលិតស្រាពីអាចម៍ផ្កាយជាលើកដំបូងលើពិភពលោកនេះ ហើយអាចម៍ផ្កាយដែលលាយបញ្ចូនគ្នាបង្កើតបានជាស្រានេះមានអាយុកាល៤.៥កោដិឆ្នាំមកហើយ។ស្រា Meteoritoរបស់Caberbet Sauvignon គឺជាការឆ្នៃប្រឌិតដោយតារាវិទូដើមកំណើតNorwich លោក lanHutcheon។ លោកlanបានកំពុងតែជាប់ទាក់ទិននឹងការងារផលិតស្រា និងតារាសាស្ត្រអស់រយៈពេលជាយូរមកហើយ ហើយគាត់តែងតែចង់ស្វែងរកវិធីដើម្បីលាយបញ្ចូលគ្នារវាងការងារទាំងពីររបស់គាត់នេះ។
ឥឡូវបុរសសញ្ញាតិអង់គ្លេសរូបនេះកំពុងតែធ្វើការនៅក្នុងប្រទេសឈីលីដែលជាកន្លែងដែលគាត់មានចំការទំពាំងបាយជូរផ្ទាល់ខ្លួននៅតំបន់ Cachapoal Valley។ ក្រៅពីមហិច្ឆតានៅលំហអាកាសគាត់ក៏បានបើកកន្លែងពិសោធន៍ឃ្លាំមើលមួយកាលពីឆ្នាំ២០០៧ដែលហៅថា Centro AstrononomicaTaguaTagua។ កន្លែងនេះហើយជាកន្លែងតែមួយគត់ដែលគាត់បានលក់ស្រាផលិតពីអាចម៍ផ្កាយនៅលើពិភពលោកនេះ ទោះបីគាត់មានចំណាប់អារម្មណ៍នាំចេញស្រាប្រភេទនេះទៅក្រៅប្រទេសក៏ដោយ។
នៅពេលមិត្តអ្នកអានបានឮស្រាអាចម៍ផ្កាយ(Meteorito)ដំបូងលោកអ្នកពិតជាឆ្ងល់ខ្លាំងណាស់មែន ហើយតើវាអាចត្រូវបានផលិតដោយរបៀបណា! ដំណើរការគឺថាបានលេចចេញឡើង ហើយក៏មិនមែនជាការងារលំបាកដែរ។ អ្វីៗទាំងអស់បានកើតមានឡើងដោយយកទំពាំងបាយជូរCabernet Sauvignoពីចំការទំពាំងបាយជូរ Tremonte Vineyard របស់លោកកាលពីខែមេសា ឆ្នាំ២០១។
គំនិតផ្តួចផ្តើមនៃការផលិតស្រានេះដំបូងគឺថា មូលដ្ឋានគ្រឹះដ៏សំខាន់មាន ដាក់ត្រាំទំពាំងបាយជូរ២៥ថ្ងៃដើម្បីឲ្យប្រែក្លាយជាជាតិស្កររហូតដល់ក្លាយជាតិស្រវឹង។ បន្ទាប់មកដែលជាជំហាន់ដ៏សំខាន់បំផុតគឺការច្នៃប្រឌិតស្រា Meteoritoដោយត្រាំទុកនិងធ្វើតេស្តអស់រយះពេលមួយឆ្នាំពេញ។ កំឡុងពេលនេះ ស្រានេះត្រូវបានរក្សាទុកក្នុងធុងឈើជាមួយនឹងអាចម៍ផ្កាយរយះពេល១២ខែ។ បន្ទាប់ពីមួយឆ្នាំកន្លងផុតទៅស្រាអាកាសបាតុភូតនេះត្រូវបានលាយបញ្ចូលជាមួយនឹងCabernet Sauvignon មួយចំនួនទៀត។
ប្រហែលជា១០.០០០លីត្រនៃស្រាដ៏ពិសេសនេះត្រូវបានពិសាអស់យ៉ាងឆាប់រហ័ស។ អាចម៍ផ្កាយដែលស្ថិតក្នុងចម្ងល់មានប្រវែង៣អ៊ិញ និងមិនមែនជាកម្មសិទ្ធិរបស់លោក Hutcheonទេ ប៉ុន្តែជាកម្មសិទ្ធិរបស់ជនជាតិអាមេរិកម្នាក់ដែលបានប្រមូល ហើយគាត់ក៏មិនបានបដិសេធក្នុងការប្រើប្រាស់ដ៏ពិសេសនេះដែរ។
ខណះពេលនេះអាចម៍ផ្កាយមានអាយុកាល៤.៥កោដិឆ្នាំទៅហើយនោះ វាក៏ត្រូវបានគេជឿថា វាបានធ្លាក់អស់រយះពេល៦០០០ឆ្នាំមកហើយដែរនៅតំបន់ Atacama Desert ភាគខាងជើងប្រទេសឈីលី។
វាជាប្រភេទស្រាដ៏ពិសេសប្លែកជាលើកដំបូងនៅលើពិភពលោក ហើយតើមានរស់ជាតិបែបណាទៅ? លោកអ្នកចង់ដឹងទេ? បើយោងតាមលោក Hutcheonជាអ្នកផលិតបានឲ្យដឹងថា ស្រាដែលលាយជាមួយថ្មនេះមានរស់ជាតិបំផុត។ គាត់បន្ថែមថា គម្រោងរបស់គាត់គឺជាការប្រឹងប្រែងមួយដើម្បីឲ្យអ្នករាល់គ្នាមានឱកាសប៉ះពាល់អ្វីមួយពីលំហអាកាសដែលជាប្រវត្តិប្រព័ន្ធព្រះអាទិត្យ ហើយមានអារម្មណ៍ដ៏ពិសេសនឹងស្រានេះ។ គាត់បន្ថែមថា “នៅពេលអ្នកពិសាស្រានេះ មានន័យថា អ្នកកំពុងពិសាសមាសភាគអ្វីមួយពីកំណើតប្រព័ន្ធព្រះអាទិត្យហើយ”៕
0 មតិ:
Post a Comment