អ៊ិនធឺណិតគឺជាទីកន្លែងដែលយើងធ្វើការទំនាក់ទំនង កំសាន្ត សិក្សា រាប់អានមិត្តភក្តិ ទិញទំនិញ និងកិច្ចការជាច្រើនទៀត។ ទោះបីជាអ៊ិនធឺណិតជាកន្លែងដែលអាចអោយយើងធ្វើអ្វីៗស្ទើរតែគ្រប់យ៉ាង ក៏ដោយ ប៉ុន្តែវាក៏ជាកន្លែងដែលប្រកបទៅដោយគ្រោះថ្នាក់ផងដែរ ដូចជាអ្នកអាចត្រូវបានពពួកHacker លួចចូលទៅក្នុងប្រព័ន្ធកុំព្យូទ័ររបស់អ្នកជាដើម។ ជារឿយៗ គ្រោះថ្នាក់អាចកើតមានឡើងនៅពេលដែលអ្នកបញ្ចូល ឈ្មោះអ្នកប្រើ(User) និងពាក្យសម្ងាត់(Password) ឬក៏ប្រើប្រាស់ប័ណ្ណឥណទាន(Creditcard)ដើម្បីទិញទំនិញនានានៅលើបណ្តាញ គឺពត៌មានទាំងនេះអាចត្រូវបានលួចដោយពពួកHacker។
បច្ចុប្បន្ននេះ មានកម្មវិធីជាច្រើនដែលបង្កើតឡើងដើម្បីដោះស្រាយបញ្ហាខាងលើនេះ ពោលគឺទប់ការស្កាត់គ្រោះថ្នាក់នានាដែលអាចកើតមានឡើងដូចបាន រៀបរាប់ខាងលើ។ Hotspot Shield គឺជាកម្មវិធីដ៏ល្អមួយក្នុងចំណោមនានា។ វាជាកម្មវិធីឥតគិតថ្លៃ ដែលមានតួនាទីការពារការប្រើប្រាស់អ៊ិនធឺណិតដោយសុវត្ថិភាព មិនថាអ្នកប្រើប្រាស់អ៊ិនធីណិតនៅគេហដ្ឋាន ឬក៏តាមទីសាធារណៈនោះទេ។ កម្មវិធីនេះនឹងជួយការពារអត្តសញ្ញាណរបស់អ្នកនៅលើប្រព័ន្ធ អ៊ិនធឺណិតតាមរយៈHTTPS(Hypertext Transfer Protocol Secure Site)នៅពេលដែលអ្នកធ្វើការទិញទំនិញផ្សេងៗនៅលើបណ្តាញ។ ដូចនេះអ្នកនិងមិនចាំបាច់បារម្មណ៍ថា ប័ណ្ណឥណទាន(CreditCard)នឹងត្រូវបានគេលួចនោះឡើយនៅពេលដែលអ្នក ប្រើប្រាស់ Hotspot Shield។ មិនតែប៉ុន្តែប៉ុណ្ណោះ ជាមួយកម្មវិធីនេះ អ្នកអាចប្រើអ៊ិនធឺណិតដោយសេរីដោយមិនចាំបាច់ខ្វាយខ្វល់ថាមានគេដឹងថា អ្នកកំពុងធ្វើអ្វីនោះទេ ព្រោះHotspot Shield បានជួយលាក់បាំងនូវអាស័យដ្ឋានIP របស់កុំព្យូទ័រអ្នក។ ដូចនេះអ្នកអាចប្រើប្រាស់អ៊ិនធឺណិតជាលក្ខណៈអានាមិក។
ក្រៅពីនេះ កម្មវិធីនេះអាចជួយអោយអ្នកចូលទៅកាន់គេហទំព័រដែលហាមឃាត់(Blocked Website) យ៉ាងងាយស្រួល។ ដូចនេះ បើសិនជាអ្នកចង់ចូលទៅកាន់គេហទំព័រផ្សេងៗដែលបានហាមឃាត់នៅទីកន្លែង របស់អ្នក Hotspot Shield អាចជួយដោះស្រាយបញ្ហានេះបាន។
Hotspot shield គឺមានសម្រាប់ប្រព័ន្ធប្រតិបត្តិការ Window និងMac OS ដែលសុទ្ធតែឥតគិតថ្លៃ។ដើម្បីចូលទៅទាញយកកម្មវិធីនេះមកតម្លើងនៅក្នុង កុំព្យូទ័រតាមរយៈអាស័យដ្ឋាន៖ http://hotspotshield.com/
ប្រភពពី៖ គំនិត
0 មតិ:
Post a Comment