ពាក្យចចាមអារ៉ាមស្នេហារបស់ពួកគេបានកើតមានឡើងចាប់តាំងពីឆ្នាំ២០០៧ នៅពេលដែលម្ចាស់បទ”I Will Always Love You”បានបញ្ចប់អាពាហ៍ពិពាហ៍របស់នាងជាមួយលោក Bobby Brown។ មួយឆ្នាំក្រោយមក ពួកគេបានថតរូបរួមគ្នាយ៉ាងស្រស់ស្រាយនៅពេលអាហារល្ងាចមួយនៅ Beverly Hills ជាកន្លែងដ៏ពិសេស ហើយលេចលឺដល់Bernard Hopkins។
ក្នុងរយះពេលនោះលោក Ray-J (ជាប្អូនប្រុសរបស់តារាចម្រៀងហ៊ីបហប់ និងរ៉េប Brandy)បានប្រាប់ទស្សនាវដ្តី Peopleថា “យើងចូលចិត្តច្រៀង ចូលចិត្តតន្ត្រី ចូលចិត្តខ្សែភាពយន្ត។ យើងទើបតែមើលរឿង The Pursuit Of Happyness”។
នៅពេលជជែកសួរពីរឿងទំនាក់ទំនងរបស់គាត់ លោកRay Jបានប្រាប់ The Inside កាលពីសប្តាហ៍មុនថា វាជារឿង “ស្ងាត់ៗ ស្ងាត់។
គាត់និយាយថា “យើងតែងតែព្យាយាមរក្សាការទំនាក់ទំនងរបស់ពួកយើងជាសម្ងាត់តាមដែល អាចធ្វើទៅបាន ប៉ុន្តែនៅពេលយើងខ្ញុំទៅក្រៅនាងប្រៀបដូចជាចំណុចស៊ីបដែលគេ ចាប់អារម្មណ៍ខ្លាំងណាស់។ ប៉ុន្តែភាគច្រើនបំផុត យើងគ្រាន់តែជាមិត្តភ័ក្តិនឹងគ្នាតែប៉ុណ្ណោះ ហើយយើងតែងតែរក្សាទុកជារឿងសម្ងាត់ គឺស្ងប់ស្ងាត់ ហើយយើងអត់ផ្តោតលើចំណុចនេះខ្លាំងទេ។
លោក Ray J ជាបុគ្គលមួយរូបក្នុងចំណោមមនុស្សទាំងឡាយដែលស្ថិតនៅជាមួយនាង កំឡុងពេលថ្ងៃចុងក្រោយរបស់នាង។ កំឡុងពេលនៅក្នុងក្លឹបកាលពីថ្ងៃព្រហស្សតិ៍សប្តាហ៍មុន The Hollywood Reporter បានបញ្ជាក់ថា គាត់បានជួយសំរួលជំលោះដែលនាង Houston កើតមានឡើងជាមួយអតីត X Factor “គឺ Stacy Francis។
ទោះបីជាយ៉ាងណាក៏ដោយ គាត់មិនបាននិយាយអ្វីពីការស្លាប់របស់នាងឡើយ។ លោក Ray J(ដែលជាធ្លាប់ទំនាក់ទំនងជាមួយនាងគីម កាដាសៀន)គឺច្បាស់ណាស់ថា ស្ថិតនៅក្នុងចំណោមមនុស្សដែលកាន់ទុក្ខសពនាង។ បើយោងតាមកាសែត Los Angeles Times បានឲ្យដឹងថា គាត់ជាមួយមិត្តភ័ក្តិពីរបីនាក់បានទៅសណ្ឋាគារ Beverl Hills កាលពីព្រឹកថ្ងៃអាទិត្យ ហើយនិយាយខ្សឹបខ្សៀវថា “Whitney ស្លាប់៕
0 មតិ:
Post a Comment