ភ្នំពេញ ៖ បុរសម្នាក់ត្រូវជាប់ចោទថាប៉ុនប៉ងរំលោភកូនក្រមុំគេ ត្រូវប៉ូលិសហៅទៅសួរនាំនៅប៉ុស្តិ៍ទួលសង្កែដើម្បីដោះស្រាយ បន្ទាប់ពីបុរសរូបនេះ អូសដៃ នាងក្រមុំចូលបន្ទប់ រួចឱបនាងជាប់ប៉ុនប៉ងរំលោភទើបនាងស្រែកផ្អើលអស់អ្នកជិតខាងប្ដឹង ប៉ូលិសតែម្ដង។ ពេលមកដល់ប៉ុស្ដិ៍ប៉ូលិសក៏ដោះស្រាយឲ្យតួប្រុសរួចខ្លួន។
ហេតុការណ៍នេះបានកើតឡើង នៅវេលាម៉ោង ៨ព្រឹក ថ្ងៃទី ១៣ ខែ កុម្ភៈ ឆ្នាំ២០១២នៅចំណុចក្រុមទី១០ ក្នុងភូមិទួលគោក សង្កាត់ទួលសង្កែ ខណ្ឌឫស្សីកែវ។
នាងរងគ្រោះឈ្មោះ ស ស្រីពៅ អាយុ ១៨ឆ្នាំ មានស្រុកកំណើតនៅឃុំ កណ្ដៀងរាយ ស្រុក ស្វាយទាប ខេត្ត ស្វាយរៀង មកកន្លែងកើតហេតុដើម្បីលេងស្រីដែលធ្វើការរោចក្រកាត់ដេរ រីឯជនសង្ស័យឈ្មោះ សួន វ៉ាន់នី អាយុ ៣០ឆ្នាំ មុខរបរ ជាងម៉ាស៊ីន ក្នុងរោងចក្រ នៅទួលសង្កែ បន្ទប់លេខ ៨មាន ស្រុកកំណើត ភូមិ ចំនៀត ឃុំគោកបន្ទាយ ស្រុក រលៀប្អៀរ ខេត្ត កំពង់ឆ្នាំង។
បើតាមនាងក្រមុំរងគ្រោះបានរៀបរាប់ថា នៅព្រឹកថ្ងៃកើតហេតុ នាងបានខ្ចីទូរស័ព្ទជនសង្ស័យតេទៅបងស្រីនាងដែលធ្វើការ ថានាងត្រឡប់ទៅផ្ទះវិញនៅព្រឹកនេះ ដោយឈរនៅមុខបន្ទប់ជនសង្ស័យ ខណៈនោះស្រាប់តែជនសង្ស័យអូសនាងចូលក្នុងបន្ទប់ហើយចាប់ឱបនាង ជាប់ប៉ុនប៉ងរំលោភ។ ពេលនោះនាងក៏ខំរើបម្រាស់ ហើយផ្អើលអ្នកជិតខាងទើបជននេះលលែងនាង ប៉ុន្តែមិនទាន់បានធ្វើអ្វីនោះទេ។
នាងរងគ្រោះបន្តថា ខណៈពេលនោះនាងរើបម្រាស់ ក៏ខ្វាចជនសង្ស័យដាច់រលាត់ដៃផងដែរ ប៉ុន្តែពេលមកដល់ប៉ុស្ដិ៍ប៉ូលិសជនសង្ស័យបានប្រកែកមិនទទួលស្គាល់ ការពិតឡើយ។ ទោះបីជានាងប្រកាន់យ៉ាងណា ក៏ប៉ូលិសប៉ុស្ដិ៍ទួលសង្កែ គ្រាន់តែធ្វើកិច្ចសន្យាហើយដោះលែងមិនចោទប្រកាន់ឡើយ៕
Source: kpt-news
0 មតិ:
Post a Comment