ខេត្តឧត្ដរមានជ័យ ៖ នៅថ្ងៃ ទី១០ ខែមិនា ឆ្នាំ២០១២ វេលាម៉ោង ១១និង៣០នាទី កម្លាំងសមត្ថកិច្ចជំនាញរបស់ការិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តឧត្ដរមានជ័យ ដឹកនាំដោយលោកវរសេនីយ៍ត្រី ថោង សាមិ នាយការិយាល័យ បានបង្ក្រាប និងឃាត់ខ្លួនជនសង្ស័យចំនួន ០២នាក់ ១-ឈ្មោះ លឹម ខួច ភេទប្រុស អាយុ២០ឆ្នាំ ២-ឈ្មោះ ហៀប ស្រីណែត ភេទស្រី អាយុ១៨ឆ្នាំ អ្នកទាំងពីររស់នៅភូមិអូរស្មាច់ សង្កាត់ អូរស្មាច់ ក្រុងសំរោង ខេត្តឧត្ដរមានជ័យ ពីបទចែកចាយគ្រឿងញៀន នៅចំណុចរង្វង់មូលជ័យវរ័្មន ភូមិឈូក សង្កាត់សំរោង ក្រុងសំរោង ខេត្តឧត្ដរមានជ័យ ។ ក្នុងការចុះបង្ក្រាបនោះដែរកម្លាំងសមត្ថកិច្ចយើងធ្វើការឆែកឆេរដក ហូតវត្ថុតាងរួមមាន ៖ ថ្នាំញៀនប្រភេទមេតំហ្វេតាមីន(យ៉ាម៉ា)ចំនួន ១៩គ្រាប់ ទូរស័ព្ទដៃចំនួន ០២គ្រឿង និងលុយខ្មែរចំនួន ៥០,០០០រៀល ។ ករណីខាងលើនេះ សមត្ថកិច្ចជំនាញនៃការិយាល័យប្រឆាំងគ្រឿងញៀន បានកសាងសំណុំរឿងបញ្ជូនទៅកាន់សាលាដំបូងខេត្តឧត្ដរមានជ័យ ដើម្បីចាត់ការតាមនិតិវិធីច្បាប់ ។
ប្រភព៖ អគ្គស្នងការដ្ឋាននគបាលជាតិកម្ពុជា
0 មតិ:
Post a Comment