ក្រុមហ៊ុន Apple Inc បានដាក់បង្ហាញកុំព្យូទ័របន្ទះស្តើង iPad ស៊េរីថ្មី មានអេក្រង់ស្តើង និងបំពាក់បន្ទះឈីបកាន់តែលឿនជាងមុន ដើម្បីពង្រីកភាពនាំមុខក្នុងទីផ្សារកុំព្យូទ័របន្ទះស្តើងឲ្យបាន ច្រើនជាងទីផ្សាររបស់ក្រុមហ៊ុន Amazon.com Inc ក្រុមហ៊ុន Microsoft Corp និងក្រុមហ៊ុន Google Inc។
ក្រុមហ៊ុន Apple បានឲ្យដឹងកាលពីម្សិលមិញក្នុងព្រឹត្តិការណ៍មួយនៅរដ្ឋសាន់ហ្រ្វាន់ ស៊ីស្គូថា កុំព្យូទ័រនេះ មានឈ្មោះថា iPad ដែលមានតម្លៃចាប់ពី ៤៩៩ដុល្លារ ដល់ ៨២៩ដុល្លារ មានបំពាក់បន្ទះឈីប ដែលអាចឲ្យក្រាហ្វិកកុំព្យូទ័របន្ទះស្តើងនេះដំណើរការបានកាន់ តែប្រសើរជាងមុន។ iPad ស៊េរីថ្មីនេះ មានអេក្រង់ទំហំ ៩,៧អ៊ីញ ដែលមានទំហំភិចសែលធំជាងទូរទស្សន៍ប្រភេទ HD និងប្រើប្រាស់ប្រព័ន្ធឥតខ្សែ 4G ឬ LTE ដែលអាចដំណើរការទិន្នន័យបានលឿងជាងមុន។
លោក Tim Cook អគ្គនាយកក្រុមហ៊ុន Apple មិនទាន់បានអភិវឌ្ឍខ្លាំងនៅឡើយទេចំពោះកុំព្យូទ័របន្ទះស្តើង របស់ក្រុមហ៊ុន Apple ខណៈដែលក្រុមហ៊ុន Microsoft ដាក់បង្ហាញកម្មវិធី សូសវែរថ្មី ដែលនឹងដំណើរការក្នុងកុំព្យូទ័រផលិតដោយក្រុមហ៊ុនជាគូ ប្រកួតប្រជែងរបស់ខ្លួន។ កុំព្យូទ័រ iPad ស៊េរីថ្មីនេះ ក៏មានបំណងជួយក្រុមហ៊ុន Apple ឲ្យទប់ស្កាត់ការប្រកួតប្រជែងជាមួយនឹងឧបករណ៍ដដៃទៀតដែលដំណើរការ ដោយប្រព័ន្ធដំណើរការ Android របស់ក្រុមហ៊ុន Google ក៏ដូចជា កុំព្យូទ័របន្ទះស្តើង Kindle Fire របស់ក្រុមហ៊ុន Amazon.com ដែលមានតម្លៃ១៩៩ដុល្លារ និងដែលកំពុងទទួលបានចំណាប់អារម្មណ៍ពីអតិថិជនដែលផ្តោតសំខាន់លើ តម្លៃ។ Phnom Penh Post
0 មតិ:
Post a Comment