បន្ទាយមានជ័យ ៖ កាលពីព្រឹកថ្ងៃទី ១៣-មិនា-២០១២ ក្នុងសង្កាត់-ក្រុងប៉ោយប៉ែត ត្រូវបានសម្ពោធអោយប្រើប្រាស់ ជាផ្លូវការ ក្រោមអធិបតីភាពរបស់លោក អៀង ហួត រដ្ឋលេខាធិការក្រសួងសុខាភិបាល និងលោក អ៊ុង អឿន អភិបាលខេត្តបន្ទាយមានជ័យ ព្រមទាំងអស់លោក ជាប្រធានមន្ទីរជុំវិញខេត្តនិងដៃគូអភិវឌ្ឍន៍ ដាក់សមិទ្ធផលថ្មីក្នុងវិស័យសុខាភិបាលជាអគារមន្ទីរពេទ្យបង្អែកក្រុងប៉ោយប៉ែត ជាប់ព្រំដែនថៃក្នុងទឹកប្រាក់សរុប ១លាន ៤សែនដុល្លារ។
លោក កែវ សុភក្ត្រា ប្រធានមន្ទីរសុខាភិបាលខេត្តបន្ទាយមានជ័យបានលើកឡើងពីរបាយការណ៍កសាង និងសមិទ្ធិ ផលផ្សេងទៀតក្នុងឆ្នាំ២០១១ ដូចជានៅឆ្នាំ ២០០៧ដោយមើលឃើញនូវតំរូវការចាំបាច់ និងបញ្ហាសុខភាពប្រជាពលរដ្ឋ តាមព្រំដែន ក្រសួងសុខាភិបាលបានសំរេចផ្តល់ថវិកាសាងសង់អគារមន្ទីរពេទ្យស្តង់ដារ ដែលស្ថិតនៅក្នុងគំរោងទ្រទ្រង់ វិស័យសុខាភិបាល ហើយដែលអគារ មន្ទីរពេទ្យស្តង់ដានេះ ត្រូវបានប្រារព្វពិធីបញ្ចុះបឋមសិលា ក្រោមអធិបតីភាពរបស់ លោកសាស្ត្រាចារ្យ ហេង ហួត រដ្ឋលេខាធិការនៃក្រសួងសុខាភិបាល កាលពីថ្ងៃទី ១៩ ខែ វិច្ឆិកា ឆ្នាំ ២០០៧ ហើយអគារមន្ទីរពេទ្យបង្អែកថ្មីនេះបានបញ្ចប់ការសាងសង់នៅថ្ងៃទី ១៥ ខែ កញ្ញា ឆ្នាំ ២០១០ ។ ១-អគារក ៖ ជាន់ ក្រោម២១បន្ទប់ សំរាប់បំរើសេវាផ្នែកវះកាត់ និងសម្ភព និងរោគស្ត្រី និងជាន់លើមាន១៩បន្ទប់ សំរាប់បំរើសេវាផ្នែកជម្ងឺ ទូទៅនិងជម្ងឺកុមារ ។ ២-អគារខ មានពីរជាន់ ៖ -ជាន់ក្រោមមាន៧បន្ទប់ សំរាប់បំរើសេវាផ្នែកពិគ្រោះជម្ងឺក្រៅ សង្គ្រោះ បន្ទាន់ មន្ទីរពិសោធន៍អេកូ-វិទ្យុសាស្ត្រ -ជាន់លើមាន១១បន្ទប់ សំរាប់បំរើសេវាផ្នែករដ្ឋបាល ។ ៣-អគឡារគ មានពីរជាន់ និងមាន៩បន្ទប់សំរាប់បំរើសេវាផ្នែកជម្ងឺឆ្លង ។ ៤-អគារឃ មាន១១បន្ទប់ ដែលសំរាប់បំរើសេវាផ្នែកឱសថ ឃ្លាំងសំភារៈ បន្ទប់បោកគក់និងកន្លែងដាំស្ល ។ ៥-រោងម៉ាស៊ីនភ្លើងនិងរថយន្តសង្គ្រោះ មាន៣បន្ទប់ ។ ៦-ផ្ទះបាយសំរាប់ អ្នកកំដរ អ្នកជម្ងឺ ។ ទាំងនេះ គឺជាសមិទ្ធិផលដ៏ថ្លៃថ្លា និងមានតំលៃដ៏មហាសាលរបស់រាជរដ្ឋាភិបាល ក៏ដូចជាក្រសួងសុខា ភិបាលដែលបានផ្តល់ដល់មន្ទីរសុខាភិបាលខេត្តបន្ទាយមានជ័យ ក្នុងអង្គភាពស្រុកប្រតិបត្តិប៉ោយប៉ែត និងប្រជាជនក្នុងតំបន់ សំរាប់ប្រើប្រាស់ ។ ពិធីនេះក៏ត្រូវបានសម្ភោធនៅអគារមណ្ឌលសុខភាពតាមស្រុក-ក្រុង ដែលបានកសាងនៅឆ្នាំ២០១១ អគារនិងសំភារៈមន្ទីរ ពេទ្យបង្អែកក្រុងប៉ោយប៉ែត ត្រូវចំណាយថវិការសរុបទាំងសម្ភារៈនិងការសាងសង់ ទាំងអស់១លាន ៤សែនដុល្លា ។
លោក អ៊ុង អឿន អភិបាលខេត្តបន្ទាយមានជ័យ បានមានប្រសាសន៍ថានេះជាមោទនភាពយ៉ាងជ្រាលជ្រៅ បំផុត ដែលក្រុងប៉ោយប៉ែតបានទទួលសមិទ្ធផលមួយទៀតជាអគារ មន្ទីរពេទ្យ យ៉ាងធំស្កឹមស្កៃ ហើយត្រូវបានសម្ភោធ ដាក់អោយប្រើប្រាស់ជាផ្លូវការនូវអគារថ្មីនៃមន្ទីរពេទ្យបង្អែកប៉ោយប៉ែត ។ នេះជាសមិទ្ធិផលថ្មីមួយទៀតដែលកាលពី សប្តាហ៍មុនយើងបានប្រារព្វពិធីបញ្ចុះបឋមសិលាសាងសង់រោងចក្រផលិត ហាដឌីស របស់ក្រុមហ៊ុនអេសស៊ីវាដូ នៃប្រទេស ជប៉ុន ពិធីសម្ភោធដាក់អោយប្រើប្រាស់អគារសិក្សាមួយខ្នងបានបីបន្ទប់ ជាអំណោយដ៏ថ្លៃថ្លារបស់អង្គការកុមារមេគង្គ នៅ សាលាបឋមសិក្សាហ៊ុនសែន វត្តថ្មី និងពិធីកាត់ឬសសីមាសម្ភោធឆ្លងព្រះវិហារវត្តសូរិយារាម (វត្តថ្មី) ដែលទុកជាផល ប្រយោជន៍បំរើសាធារណៈនិងបង្កើតការងារជូនដល់ប្រជាពលរដ្ឋអោយមានការងារធ្វើ ដែលនេះជាការចូលរួមចំណែក អភិវឌ្ឍន៍សេដ្ឋកិច្ចនិងសង្គម របស់ប្រទេសជាតិយើងប្រកបដោយនិរន្តភាព ក្រោមការដឹកនាំប្រកបដោយគតិបណ្ឌិត និងភាពឈ្លាសវៃរបស់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃព្រហរាជាណាចក្រកម្ពុជា ។
លោក អេង ហួត រដ្ឋលេខាធិការក្រសួងសុខាភិបាលបានមានប្រសាសន៍បថា ៖ មន្ទីរពេទ្យបង្អែកជាមូលដ្ឋាន សុខាភិបាលមួយដ៏វិសេសវិសាលសំរាប់បំរើសុខភាពរបស់ប្រជាជនយើង ។ ក្រៅពីការពិគ្រោះ ពិនិត្យ និងព្យាបាលជម្ងឺ ប្រចាំថ្ងៃ មន្ទីរពេទ្យបង្អែកក៏ជាកន្លែងជួបជុំធ្វើការងារអប់រំសុខភាព ការងារលើកកំពស់សុខភាព ការអនុវត្តកម្មវិធីជាតិនា នា និងជាការជួបជុំកិច្ចការសង្គមផ្សេងៗទៀតដែលអាចធ្វើទៅបាន ។
លោកបានអំពាវនាវអោយអស់លោក លោកស្រី ជាមន្ត្រីរាជការសុខាភិបាលគ្រប់ជាន់ថ្នាក់ខិតខំយកចិត្តទុកដាក់ ធ្វើការងារទៅតាមតួនាទី និងភារកិច្ចដែលក្រសួងសុខាភិបាលបានកំណត់ ធ្វើយ៉ាងណាអោយការបំរើសុខភាពជូន ប្រជាជនបានជោគជ័យ ជាពិសេសការកាត់បន្ថយអត្រាស្លាប់ របស់លម្តាយនិងទារក អោយនៅកំរិតទាបស្របទៅតាមផែន ការយុទ្ធសាស្ត្ររបស់ក្រសួងសុខាភិបាល៕
0 មតិ:
Post a Comment