ក្រសួងការបរទេសបាននិយាយកាលពីថ្ងៃអង្គារថា ប្រទេសបារាំងនឹងកាត់បន្ថយកម្លាំងនៅក្នុងក្រុមរក្សាសន្តិសុខរបស់អង្គការសហប្រជាជាតិនៅក្នុងប្រទេសលីបង់ភាគខាងត្បូង៤០០នាក់មានតែមួយភាគបីនៃកងទ័ពរបស់ខ្លួននៅទីនោះ។
សេចក្ដីរាយការណ៍មួយពីក្រសួង និយាយថា សេចក្ដីសម្រេចនោះត្រូវបានគេប្រកាន់យកនៅក្នុងកិច្ចព្រមព្រៀងជាមួយអង្គការសហប្រជាជាតិ និង ជាមួយប្រទេសលីបង់ បន្ទាប់ពីមានការពិនិត្យជាយុទ្ធសាស្ត្រឡើងវិញនូវបេសកកម្មរបស់កងកម្លាំងបណ្ដោះអាសន្នរបស់អង្គការសហប្រជាជាតិនៅក្នុងប្រទេសលីបង់(UNIFIL)។
អ្នកនាំពាក្យលោក ប៊ឺណាដវ៉ាឡេរ៉ូ បាននិយាយប្រាប់អ្នកយកព័ត៌មានថា កងកម្លាំងបារាំង នឹងត្រូវគេកាត់បន្ថយប្រហែល ១០០០នាក់។ UNIFIL ទាំងមូលមានទាហាន ប្រហែល ១២.០០០នាក់ មកពីប្រទេសចំនួន៣៥ និង ត្រូវដឹកនាំដោយក្រុមកងទ័ពរបស់អ៊ីតាលី។
កម្លាំងនោះត្រូវបានគេបង្កើតឡើងនៅក្នុងឆ្នាំ ១៩៧៨ ដើម្បីជួយប្រទេសលីបង់ស្ដារ ការគ្រប់គ្រងរបស់រដ្ឋាភិបាលនៅប្រទេសលីបង់ភាគខាងត្បូងឡើងវិញ ក្រោយពីការលុកលុយរបស់អ៊ីស្រាអែលមក ហើយកងកម្លាំងនោះត្រូវបានគេពង្រឹងនៅក្នុងឆ្នាំ ២០០៦ បន្ទាប់ពីការប្រយុទ្ធគ្នាចុងក្រោយបង្អស់រវាងពួកកងជីវពល ហេសប៊ូឡា និងអ៊ីស្រាអែល។
កងទ័ពរក្សាសន្តិភាពប្រហែល ២៩៣នាក់បានស្លាប់ចាប់តាំងពីUNIFIL ត្រូវបានគេដាក់ពង្រាយដំបូង។នៅខែសីហា ឆ្នាំមុន ក្រុមប្រឹក្សាសន្តិសុខ អង្គការសហប្រជាជាតិ បានសុំឲ្យអគ្គលេខាធិការអង្គការសហប្រជាជាតិ លោក បានគីមូន ពិនិត្យយុទ្ធសាស្ត្ររបស់UNIFILឡើងវិញ ហើយកាលពីពេលថ្មីៗនេះសេចក្ដីរាយការណ៍របស់លោក ត្រូវបានបង្ហាញជូនបណ្ដាញរដ្ឋដែលជាសមាជិក ៥ឆ្នាំ ក្រោយពីជម្លោះព្រំដែនចុងក្រោយ។
ប្រទេសបារាំងនិយាយថាខ្លួនគាំទ្រសេចក្ដីសម្រេចនៃការពិនិត្យឡើងវិញ ដែលខ្លួននិយយថាបានអំពាវនាវឲ្យកាត់បន្ថយកងកម្លាំងរបស់អង្គការសហប្រជាជាតិឲ្យនៅតិច ប៉ុន្តែមានប្រសិទ្ធភាព ហើយបង្កើនល្បឿនប្រគល់ការទទួលខុសត្រូវសន្តិសុខឲ្យទៅកងទ័ពលីបង់។
លោក វ៉ាឡេរ៉ូបាននិយាយនៅក្នុងសេចក្ដីថ្លែងការណ៍របស់លោកថា« ប្រទេសបារាំងបានរំលឹកឡើងវិញពីការគាំទ្រពេញលេញរបស់ខ្លួន ចំពោះតួនាទីដ៏សំខាន់របស់UNIFIL នៅក្នុងការគាំទ្រស្ថិរភាព ឯករាជ្យភាព និងបូរណភាពទឹកដីរបស់ប្រទេសលីបង់»។
ដោយឡែកព្រំដែនភាគខាងត្បូងរបស់ប្រទេសលីបង់ជាមួយប្រទេសអ៊ីស្រាអែលមានសន្តិភាព នៅប៉ុន្មានខែ ថ្មីៗនេះ ភាពតានតឹងកំពុងតែឡើងដល់កម្រិតខ្ពស់នៅក្នុងតំបន់នោះ ដោយសារតែការប៉ះទង្គិចបះបោរមួយឆ្នាំនៅក្នុងប្រទេសស៊ីរី ហើយនិងការបង្ក្រាបបង្ហូរឈាម ប្រឆាំងនឹងពួកឧទ្ទាម៕
0 មតិ:
Post a Comment