នាវាល្បាតរបស់កងទ័ពជើងទឹកបារាំង ឈ្មោះ Vendémiaire នឹងចូលចតនៅកំពង់ផែក្រុងព្រះសីហនុ ចាប់ពីថ្ងៃព្រហស្បតិ៍ រហូតដល់ថ្ងៃចន្ទ ទី ២មេសាសប្តាហ៍ក្រោយ។ នេះ បើតាមសេចក្តីប្រកាសព័ត៌មានរបស់ស្ថានទូតបារាំង ប្រចាំនៅក្រុងភ្នំពេញ។ ការចូលសំចតនាវាល្បាតបារាំង ធ្វើឡើង ដើម្បីរឹតចំណងមិត្តភាពរវាងកងទ័ពជើងទឹកបារាំង និងកម្ពុជា។ ក្នុងរយៈពេល៤ថ្ងៃ ដែលនាវាចូលចត នៅនៅកំពង់ផែ នាយទាហានរបស់កងយោធពលខេមរភូមិន្ទ និងសិស្សសាលា ក្នុងក្រុងព្រះសីហនុនឹងត្រូវគេអនុញ្ញាតឲ្យចូលទស្សនានាវាល្បាត បារាំង។ នៅមហាសមុទ្រប៉ាស៊ីហ្វិក នាវា Vendémiaire របស់បារាំងមាននាទីល្បាត យកការណ៍ប្រឆាំងបទល្មើស ឬឃ្លាំមើលការនេសាទ និងប្រយុទ្ធប្រឆាំងនឹងការបំពុលបរិស្ថាន។
បន្ទាប់ពីប្រទេសកម្ពុជា នាវាល្បាតបារាំងនឹងធ្វើដំណើរបន្តទៅប្រទេសថៃ។ ចំណែកសន្និសីទកាសែតនឹងធ្វើឡើងនៅថ្ងៃសុក្រនេះ នៅលើនាវាដោយផ្ទាល់តែម្តង។ RFI
0 មតិ:
Post a Comment