ខេត្តបន្ទាយមានជ័យ ៖ នៅព្រឹកថ្ងៃទី១៣ ខែមីនា ឆ្នាំ២០១២ លោកឧត្តមសេនីយ៍ត្រី ខេង ស៊ុម ស្នងការនគរបាល ខេត្តបន្ទាយមានជ័យ រួមដំណើរដោយ លោកវរសេនីយ៍ត្រី ហ៊ឺ ហ៊ីង នាយរងការិយាល័យ បុគ្គលិក បានអញ្ជើញចុះសំណេះសំណាលជាមួយមន្ត្រីនគរបាលក្រុងសិរីសោភ័ណ ចំនួន ៦២នាក់ បានចូលរួម។
លោកឧត្តមសេនីយ៍ត្រី ខេង ស៊ុម មានប្រសាសន៍ថា ៖ លោកចុះមកនាថ្ងៃនេះ គឺមានគោល បំណង ដើម្បីសំណេះសំណាល ជាមួយអស់លោក ដែលជាមន្ត្រីនគរបាល នៃអធិការដ្ឋាននគរបាល ក្រុងសិរីសោភ័ណ ដើម្បីឲ្យស្គាល់ចិត្តថ្លើមគ្នា ពិសេសគឺនាឱកាសមុនពេលបុណ្យចូលឆ្នាំប្រពៃណីជាតិ ដែលជិតឈានមកដល់នាពេលឆាប់ៗនេះ។ ម្យ៉ាងទៀត គឺ ដើម្បីស្វែងយល់អំពីកិច្ចការមួយចំនួន ដែលអស់លោកជាមន្ត្រីនគរបាលក្រុង បានអនុវត្តកន្លងមក ក្នុងភារកិច្ចការពារសន្តិសុខបំរើផលប្រយោជន៍ ប្រជាពលរដ្ឋ និងសង្គមជាតិ ក្នុងតួនាទី និងមុខរបរជាមន្ត្រីនគរបាលជាតិ។
ជាមួយគ្នានេះលោក បានធ្វើបទបង្ហាញ ពីភារកិច្ច និងតួនាទីរបស់នគរបាលជាតិគឺ ៖ មាន ភារកិច្ចការពារសន្តិសុខ សណ្តាប់ធ្នាប់ សុវត្ថិភាពសង្គមជូនប្រជាពលរដ្ឋ និងប្រទេសជាតិ។ ក្នុងនោះ ដែរ លោកឧត្តមសេនីយ៍ស្នងការ ក៏បានលើកពីបទបង្ហាញពីជនដែលបង្កនូវភាពអសន្តិសុខដល់ សង្គមជាតិគឺ ជនប្រព្រឹត្តនូវបទល្មើសទាំងឡាយ ដូច្នេះ ដើម្បីឲ្យមានសន្តិសុខ សណ្តាប់ធ្នាប់សុវត្ថិភាព តើយើងត្រូវមានវិធានការណ៍អ្វីខ្លះ? បង្កាទប់ស្កាត់ និងបង្រ្កាបរាល់បទល្មើសទាំងនោះកើតឡើង តែបើមានត្រូវតែបង្រ្កាបឲ្យខាងតែបាន។
ជាចុងក្រោយលោកឧត្តមសេនីយ៍ ស្នងការក៏បានណែនាំ ដល់កងកម្លាំងនគរបាលទាំងអស់ ត្រូវ ខិតខំរៀនសូត្រ បង្កើនចំណេះដឹងជំនាញ ដូចជាច្បាប់ផ្សេងៗ ដើម្បីឲ្យស្របតាមការរីកចំរើននៃប្រទេសជាតិ ក៏ដូចជាសកលលោក និងបន្តធ្វើការផ្សព្វផ្សាយពីគោលនយោបាយរបស់រាជរដ្ឋាភិបាលគឺភូមិ ឃុំ មានសុវត្ថិភាព ដោយចលនាមហាជនចូលរួមក្នុងការងារការពារសន្តិសុខសង្គម៕
0 មតិ:
Post a Comment