ភ្នំពេញ ៖ អាជ្ញាធរខណ្ឌពោធិ៍សែនជ័យ និង ខណ្ឌសែនសុខដែលមានសម្ព័ន្ធភាពជាមួយកងទ័ពជួរមុខទិសព្រះវិហារវរៈ៣៩៤ របស់កងពលតូចលេខ៩ បាននាំយកអំណោយជាគ្រឿងឧបភោគ បរិភោគនិងថវិកាមួយចំនួនទៅចែកជូនដល់កងទ័ពរបស់យើងដែលកំពុងឈរជើងការពារទឹកដីនៅតំបន់ព្រំដែនទិសប្រាសាទព្រះវិហារដែលជានិច្ចកាលខណ្ឌសម្ព័ន្ធភាពទាំង២នេះតែងតែយកចិត្តទុកដាក់ជានិច្ចចំពោះកងទ័ពយើងដ៏អង់អាចក្លាហាននោះ។
អាជ្ញាធរខណ្ឌទាំង២បានសហការគ្នានាំយកអំណោយទៅចែកជូនដល់កងទ័ពកាលពីថ្ងៃទី១០ ខែ មីនា ឆ្នាំ២០១២ ដោយយកទៅចែកជូនដល់កងទ័ពវរៈ៣៩៤ ចំណុះ កងពលតូចលេខ៩ ដែលដឹកនាំដោយលោក វរសេនីយ៍ឯក យឿង សែ កំពុងឈរជើងស្ថិតក្នុងចំណុចភូមិរុងរឿង ឃុំ ទឹកក្រហម ស្រុក ជាំក្សាន្ត ខេត្តព្រះវិហារ។
លោក គិតសុផា អភិបាលខណ្ឌពោធិ៍សែនជ័យ បានឲ្យដឹងថា ដោយសារខណ្ឌពោធិ៍ជ័យនិង ខណ្ឌសែនសុខបានឲ្យចងសម្ព័ន្ធភាពជាមួយវរៈ៣៩៤ របស់កងពលតូចលេខ៩ ជានិច្ចកាលអាជ្ញាធរខណ្ឌទាំង២តែងតែគិតគូរយកចិត្តទុកដាក់ចំពោះកងទ័ព ក៏ដូចជាគ្រួសារកងទ័ពដែលកំពុងរស់នៅតំបន់ប្រសាទព្រះវិហារ។
អំណោយដែលអាជ្ញាធរខណ្ឌទាំង២ដឹកនាំយកទៅចែកជូននាពេលនោះរួមានមី ៣០០កេស ទឹកត្រី ទឹកស៊ីអ៊ីវ១០០ដុល្លារ ស្ករស ១០០គីឡូក្រាម ទឹកដោះគោ១៥០កំបុង តែ១០០កញ្ចប់ និង ថវិកា១លានរៀល ជូនដល់អង្គភាព និងផ្ដល់ជូនផ្ទាល់ដៃដល់កងទ័ពក្នុងអង្គភាពម្នាក់ៗទទួលបានចំនួនប្រាំម៉ឺនរៀលផងដែរ។ ជាមួយគ្នានេះអាជ្ញាធរក៏បានដោះស្រាយសំណូមពរជួយជីកអណ្ដូងទឹកមួយ ដែលមានតម្លៃ៣០០ដុល្លារ និងបានយកសំណើសុំទឹកស្រះមួយកន្លែងទំហំ២០ម៉ែត្រគុណនឹង៤០ម៉ែត្រ និងប្រេងម៉ាស៊ូតចំនួន៣០០លីត្រយកមកពិចារណា៕
0 មតិ:
Post a Comment