ក្រុងប៉ោយប៉ែត ៖ បុរសចំណាស់អាយុ៦៦ឆ្នាំ ដែលជាប់ចោទពីបទចាប់រំលោភក្មេងស្រីអាយុ១៣ឆ្នាំ នៅសង្កាត់និមិត្ត ក្រុងប៉ោយប៉ែត ហើយបានលួចរត់គេច កាលពីល្ងាចថ្ងៃទី១៣ កុម្ភៈ ២០១២ បន្ទាប់ពីចាប់ខ្លួនបានប៉ុន្មានម៉ោង ស្រាប់តែនៅថ្ងៃទី៥ មីនា វេលាម៉ោង៧ព្រឹកក៏ប្រទះឃើញចង.កស្លាប់នៅកណ្តាលព្រៃដែលសពទៅជាក្រៀមលែងស្អុយទៅហើយដែលគ្រប់គ្នាសង្ស័យថា ការចង.កធ្វើអត្តឃាតនេះទំនងជាមិនក្រោមជាង១០ថ្ងៃនោះទេ ។
នគរបាលប៉ុស្តិ៍សង្កាត់និមិត្ត បានប្រាប់ថា សពបុរសជាប់ចោទខាងលើត្រូវបានអ្នកដើរចាក់អង្ក្រងប្រទះឃើញ ខណៈឆ្កែព្រុះខ្លាំងពេក ។ នគរបាលឱ្យដឹងទៀតថា កន្លែងចង.កនោះស្ថិតក្នុងព្រៃចម្ការមីនទៀតផង ចម្ងាយពីផ្ទះបុរសរូបនោះប្រហែលជាង១គីឡូម៉ែត្រ។ សពខាងលើក្រោយពីត្រួតពិនិត្យរួចគ្រូពេទ្យប្រាប់ថា ពិត ជាចង.កធ្វើអត្តឃាតដោយខ្លួនឯងមែន ។ គេសង្ស័យថា បុរសចំណាស់ទំនងជាដឹងថា ខ្លួនមិនអាចគេចផុតពីសំណាញ់ច្បាប់ទើបគិតខ្លីទៅលួចចង.កធ្វើអត្តឃាតយ៉ាងដូច្នេះ ។
គួរបញ្ជាក់ថា បុរសចំណាស់នេះមុននឹងធ្វើអត្តឃាតបានចាប់រំលោភក្មេងស្រីម្នាក់នៅក្នុងសង្កាត់និមិត្ត នាព្រឹកថ្ងៃ១៣ កុម្ភៈ ២០១២ ហើយបានរត់រួចពីប៉ុស្តិ៍នគរបាលនៅវេលាល្ងាចម៉ោងជាង៥នៃថ្ងៃ ចាប់ខ្លួននោះ ហើយដោយសារការរត់រួចនេះមេប៉ុស្តិ៍សង្កាត់និមិត្តត្រូវបានអង្គភាពហៅទៅបញ្ឈរជើងផងដែរ ៕
0 មតិ:
Post a Comment