ភ្នំពេញ : ជាលើកទី២ហើយដែល ខេមរៈ សិរីមន្ដ ទទួលបានប័ណ្ណសរសើរដែលចេញដោយរាជរដ្ឋាភិបាល គឺសម្ដេច ហេង សំរិន និងសម្ដេច ហ៊ុន សែន។
ប័ណ្ណសរសើរលើកទីមួយ សិរីមន្ដ ទទួលបានពីសម្ដេចមហាពញាចក្រី ហេង សំរិន ប្រធានរដ្ឋសភា ជូនតារាចម្រៀងរូបនេះដែលបានចំណាយប្រាក់កសាងសមិទ្ធផលនានានៅខេត្ត កំពង់ចាម និងថ្មីៗនេះទើបតែទទួលលិខិតលើកទឹកចិត្តមួយទៀតពីសម្ដេចហ៊ុន សែន នាយករដ្ឋមន្រី្ដកម្ពុជា ដោយលិខិតនោះបញ្ជាក់ថា "មេដាយស្ថាបនាជាតិ"។ ចំពោះប័ណ្ណសរសើរពីសម្ដេចតេជោ គឺពាក់ព័ន្ធនឹងការស្ថាបនាជាតិ ចូលរួមកសាងជាតិ។ នេះបើតាមទស្សនាវដ្ដីអង្គរធំ ចេញថ្ងៃទី២៦មីនា-០១មេសា។
នៅក្នុងលិខិតសរសើរនោះបញ្ជាក់ថា ខេមរៈ សិរីមន្ដ សប្បុរសជនរាជធានីភ្នំពេញបានបរិច្ចាគប្រាក់ចំនួន ៣៣.៥០០ ដុល្លារចូលរួមកសាងសមិទ្ធផលនានាជាច្រើននៅវត្តជោតនារាមគរ ក្នុងខេត្តកំពង់ចាម។
នេះជាការគួរឲ្យកត់សម្គាល់ និងគួរឲ្យសរសើរចំពោះសិល្បករខ្មែរនៅក្នុងការជួយស្ថាបនាជាតិ៕ CEN
0 មតិ:
Post a Comment