ខេត្តឧត្ដរមានជ័យ ៖ កាលពីថ្ងៃទី០៥ ខែមេសា ឆ្នាំ២០១២ វេលាម៉ោង ០៩ និង ៣០នាទី មានករណីគ្រោះថ្នាក់ចរាចរណ៍មួយកើតឡើង នៅលើកំណាត់ផ្លូវជាតិលេខ៦៧ ចំណុចអូរក្រូច ព្រែកស្អាក ស្ថិតនៅភូមិសាស្រ្ត ឃុំអន្លង់វែង ស្រុកអន្លង់វែង ខេត្តឧត្ដរមានជ័យ ដោយរថយន្តតាក់ស៊ី ម៉ាកកាមរីសេរី៩៣ បុកជាមួយរថយន្តកាមរីសេរី៩៥ បណ្ដាល ឲ្យរងរបួសអ្នកជិះក្នុងរថយន្តសរុបចំនួន ១៣នាក់ ស្រី ០៤នាក់ (របួសស្រាលចំនួន ១២នាក់ និង ធ្ងន់០១នាក់ ប្រុស) អ្នកបើកបររថយន្តកាមរីសេរី៩៣ ឈ្មោះ សំអូន ភេទប្រុស អាយុ ៣៥ឆ្នាំ រស់នៅភូមិជាំក្សាន ឃុំជាំក្សាន ស្រុកជាំក្សាន ខេត្តព្រះវិហារ មុខរបរ រត់តាក់ស៊ី រងរបួសស្រាល និងរថយន្តខូចមួយកំនាត់មុខ អ្នករួមដំណើរក្នុងរថយន្តចំនួន ០៥នាក់ ស្រី០១នាក់ រងរបួសស្រាល អ្នកបើកបររថយន្តកាមរីសេរី៩៥ ឈ្មោះ ថេង ចាន់ធា ភេទប្រុស អាយុ ៣៩ឆ្នាំ រស់នៅភូមិត្រពាំងប្រាសាទ ឃុំត្រពាំងប្រាសាទ ស្រុកត្រពាំងប្រាសាទ ខេត្តឧត្ដរមានជ័យ មុខរបររត់តាក់ស៊ី របួសស្រាល រថយន្តខូចមួយកំណាត់មុខ អ្នករួមដំណើរក្នុងរថយន្តចំនួន ០៦នាក់ ស្រី ០៣នាក់ បណ្ដាលឲ្យរងរបួសស្រាល ០៥នាក់ របួសធ្ងន់ ០១ នាក់ ប្រុស មូលហេតុគ្រោះថ្នាក់ចរាចរណ៍ខាងលើនេះ បណ្ដាលមកពី រថយន្តទាំង ០២ មិនប្រកាន់ស្ដាំ ពេលទទួលបានពត៌មានពីគ្រោះថ្នាក់ចរាចរណ៍នេះភ្លាម អធិការនគរបាលស្រុក ក៏បានចាត់តាំងកំលាំងជំនាញ និង ប៉ុសិ្ត ចុះធ្វើកំណត់ហេតុ និងជួយអន្តរាគមន៍សង្គ្រោះយកអ្នករងរបួសបញ្ជូនទៅកាន់មន្ទីពេទ្យ ហើយបានធ្វើការដកហូតវត្ថុតាងមករក្សាទុកជាបណ្ដោះអាសន្ន នៅអធិការដ្ឋាននគរបាលស្រុក ដើម្បីចាត់ការទៅតាមនិតិវិធីច្បាប់៕
0 មតិ:
Post a Comment