រាជធានីភ្នំពេញ ៖ កម្មករ កម្មការិនីរោងចក្រផលិតស្បែកជើងយីហោសាន់ដែលស៊ូ ចំនួន១.៣០០នាក់បានប្រមូលផ្តុំគ្នាធ្វើការតវ៉ានៅខាងមុខរោង ចក្រទាមទារឱ្យថៅកែដកប្រធានរដ្ឋបាលចេញពីរោងចក្រ ដោយចោទប្រកាន់ថា ប្រធានរដ្ឋបាលរូបនោះគាបសង្កត់កម្មករ និងមិនគោរពច្បាប់ការងារទាល់តែសោះ ។
កូដកម្មនោះបានធ្វើឡើងកាលពីវេលាម៉ោង៧ព្រឹក ថ្ងៃទី១៥កុម្ភៈ ២០១២ នៅចំណុចមុខរោងចក្រខាងលើដែលមានទីតាំងស្ថិតតាមបណ្តោយផ្លូវចោមចៅ ភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។ ក្រុមកម្មករបាននិយាយថា មុននឹងឈានដល់ការផ្ទុះកូដកម្មនេះពួកគេបានស្នើសុំទៅថៅកែជា ច្រើនលើកច្រើនសាសុំឱ្យដកប្រធានរដ្ឋបាលរោងចក្រចេញ ប៉ុន្តែថៅកែមិនធ្វើតាម ទើបពួកគេអត់ទ្រាំតទៅទៀតលែងបានក៏ប្រមូលផ្តុំគ្នាធ្វើកូដកម្ម មិនព្រមចូលធ្វើការ ដើម្បីតវ៉ាសុំឱ្យថៅកែដោះស្រាយនូវការទាមទារនោះ ។
ដំណោះស្រាយយ៉ាងណានៅមិនទាន់ដឹងនៅឡើយទេ ព្រោះមិនទាន់មានការបំភ្លឺណាមួយពីខាងភាគីរោងចក្រ ៕
ដំណោះស្រាយយ៉ាងណានៅមិនទាន់ដឹងនៅឡើយទេ ព្រោះមិនទាន់មានការបំភ្លឺណាមួយពីខាងភាគីរោងចក្រ ៕
0 មតិ:
Post a Comment