យូអិន៖ ប្រទេសឥណ្ឌូនេស៊ី នៅថ្ងៃអង្គារ នេះបានចុះសច្ចាប័នជាផ្លូវការណ៍ ទៅលើសន្ធិសញ្ញា ហាមសាកល្បង អាវុធនុយក្លេអ៊ែរជាសកល នៅអង្គការសហប្រជាជាតិ ហើយរដ្ឋមន្ត្រីការបរទេសរបស់ប្រទេសនេះ បានអំពាវនាវទៅដល់ ប្រទេសចំនួន ៨សំខាន់ៗ ដែលជាអ្នកដើរតួយ៉ាងសំខាន់ក្នុងបញ្ហានេះ ត្រូវតែគិតពិចារណាពី ហានិយភ័យរបស់នុយក្លេអ៊ែរ និងព្រមចុះហត្ថលេខាលើសន្ធិសញ្ញានេះដែរ។
លោករដ្ឋមន្ត្រីការបរទេសឥណ្ឌូនេស៊ី ម៉ាទី ណាតាឡេកាវ៉ា បាននិយាយថា វាមិនមានការជឿទុកចិត្ត នោះទេ ទៅលើប្រទេសនុយក្លេអ៊ែរធំៗផ្សេងទៀត ដែលនៅតែមិនព្រមចុះហត្ថលេខា លើសន្ធិសញ្ញានេះ។ លោករដ្ឋមន្ត្រីរូបនេះបានបញ្ជាក់ប្រាប់អ្នករាយការណ៍ព័ត៌មាននានា ជុំវិញ ឯកសារធ្វើ សច្ចាប័ន ដែលលោកបានផ្ញើទៅកាន់លោកអគ្គលេខាធិការ បាន គីម៉ូន ថា ប្រទេសទាំង៨ ខាងលើ ត្រូវតែក្លាហានហ៊ានចេញពីតំបន់ដែលមានសុវត្ថិភាពរបស់ពួកគេ ដើម្បីបង្ហាញថា នុយក្លេអ៊ែរនេះពិតជាបង្កគ្រោះថ្នាក់ពិតមែន ហើយជំហានដ៏វិជ្ជមានរបស់ពួកគេនេះ នឹងទទួលការឆ្លើយតបវិញជាមិនខាន៕
0 មតិ:
Post a Comment