អ្នកនយោបាយដែលមានកំហឹង បានស្តីបន្ទោសចំពោះការខ្វះសន្តិសុខ នៅឯការប្រកួតមួយនៅក្រុងផត សាអ៊ីដ រវាងក្រុម al-Masry និង ក្រុម Al Ahli មកពីក្រុងគែរ ដែលជាក្លិបជោគជ័យបំផុតរបស់អេហ្ស៊ីប និងបានស្តីបន្ទោសក្រុមមេដឹកនាំ របស់ប្រទេសនេះថាបានបណ្តោយ ឬបង្កសោកនាដកម្ម។
នៅឯស្ថានីយរថភ្លើងធំមួយនៅក្រុងគែរ ពលរដ្ឋអេហ្ស៊ីបរាប់ពាន់នាក់ស្រែកព្រមគ្នាថា៖ «បរាជ័យ ទៅការគ្រប់គ្រងបែបយោធា»។
ពួកគេបានស្រែកថា៖ «ពលរដ្ឋ ចង់ប្រហារជីវិតលោកសេនាប្រមុខ»ដែលបានព្យាយាមរម្ងាប់កំហឹងដោយ សន្យាថានឹងរកឲ្យឃើញក្រុមពិរុទ្ធជន នៅក្នុងទូរស័ព្ទចូលបណ្តាញទូរទស្សន៍មួយ។
សាក្សី និងបុគ្គលិកសុខាភិបាល បាននិយាយថា ការវាយលុកចូលទីលានក្រោយការប្រកួត បានបង្កការភ័យស្លន់ស្លោ ក្នុងចំណោមអ្នកគាំទ្រខណៈក្រុមប្រិយមិត្តជាគូប្រជែងបានវាយ តប់គ្នា ដោយភាគច្រើននៃអ្នកស្លាប់ គឺមកពីការរត់ជាន់គ្នា ក្នុងការប្រជ្រៀតគ្នា នៃអ្នកស្លន់ស្លោ ឬធ្លាក់ ឬត្រូវគេច្រានចេញពីកន្លែងអង្គុយក្នុងស្តាត។
អ្នកកាសែតនៅក្រុងផត សាអ៊ីដ ដែលបានចូលរួមយកព័ត៌មានការប្រកួតនេះ លោកអ៊ូសាម៉ា អែល-តាហ្វានី បានប្រាប់រ៉យទ័រថា៖ «ខ្ញុំ បានឃើញមនុស្សកាន់កាំបិតផ្គាក់និងកូនកាំបិត។ អ្នកខ្លះ ត្រូវបានគេកាប់នឹងអាវុធទាំងនេះ ជនរងគ្រោះផ្សេងទៀត ត្រូវបានរុញចេញពីកន្លែងអង្គុយពួកគេ ខណៈការលុកលុយបានកើតឡើង»។
រដ្ឋមន្រ្តីមហាផ្ទៃលោកម៉ូហាម៉េត អ៊ីប្រាហ៊ីម បាននិយាយថា មនុស្ស៤៧នាក់ ត្រូវបានចាប់ខ្លួន ហើយទូរទស្សន៍រដ្ឋ បានដកស្រង់សម្តីលោកតាន់តាវីថា គណៈកម្មាធិការស្វែងរកការពិតមួយ នឹងធ្វើការស៊ើបអង្កេតអំពើហិង្សានេះ។
អនុរដ្ឋមន្រ្តីក្រសួងសុខាភិបាលលោក ហេសាម សីហា បានថ្លែង ថា៖ «ព្រឹត្តិការណ៍ដ៏ក្រៀមក្រំនេះជាគ្រោះមហន្តរាយធំបំផុតនៅ ក្នុងប្រវត្តិបាល់ទាត់របស់អេហ្ស៊ីប»។
អំពើហិង្សា បានផ្ទុះឡើងបន្ទាប់ពីអ្នកគាំទ្រក្រុម Ahli បានបង្ហាញបដាប្រមាថMasryហើយអ្នកគាំទ្រម្នាក់បានចុះទៅកាន់ទីលាន ដោយកាន់របារដែកមួយនៅពេល ចប់ការប្រកួតដែល Masryបានឈ្នះ ៣-១៕
ប្រភព៖
0 មតិ:
Post a Comment