បាត់ដំបង: បរិភោគនិងដំណេក ជារឿងសំខាន់បំផុតសម្រាប់ជីវិតមនុស្ស ។ ដំណេកល្អមួយអាចបំពេញបន្ថែម ថាមពលឱ្យសរីរាង្គនិងជួយឱ្យស្មារតីភ្លឺស្វាង ។ ដូច្នេះហើយការយល់ច្បាស់ពីវិធីទទួលទាន ដំណេក នឹងជួយឱ្យអ្នកមានសុខភាពល្អ រាងកាយមាំមួន ។
ក្នុងសរទរដូវ និងសិសិររដូវ ខ្យល់វិជ្ជមានក្នុងពិភពធម្មជាតិថយចុះសន្សឹមៗ ពេលនេះមិនថាជាការទទួលទាន, ដេក, ធ្វើការ ឬសម្រាកកាយ សុទ្ធតែត្រូវយកចិត្តទុកដាក់ដល់ការរក្សាកម្តៅឱ្យសរីរាង្គ ។ “សរទរដូវ ឆាប់ដេក ឆាប់ក្រោក សិសិររដូវ ដេកឆាប់ ក្រោកយឺត” ជាវិធីបំប៉នសុខភាពសំខាន់ក្នុងរដូវនេះ ។
ពេលវេលាទទួលទានដំណេក ល្អបំផុតគួរចាប់ពីម៉ោង២១,២៣ ប្រឹងប្រែងដេកឱ្យលក់ពីម៉ោង២៣-១។ ព្រោះ ថាក្នុងអំឡុងពេលពីម៉ោង២១-២៣ ខ្យល់អាក្រក់ខ្សោយបំផុត ហើយខ្យល់បរិសុទ្ធខ្លាំងបំផុត ដេកនៅម៉ោងនេះអាចរក្សាសុខភាពបានល្អ ហើយគុណភាពដំណេកក៏ប្រសើរបំផុតដែរ ។
អំពីទិស: មានការស្រាវជ្រាវចាត់ទុកថា ដោយសារឥទ្ធិពលរបស់ដែនម៉ាញ៉េទិចផែនដី ហេតុនេះពេល ទទួលទានដំណេកក្បាលបែរទៅទិសខាងជើង, ជើងឆ្ពោះទៅត្បូង ដើម្បីឱ្យដែនម៉ាញ៉េទិចឆ្លងកាត់សរីរាង្គដោយស្ថិរភាព ដូច្នេះអាចបន្ថយអតិបរមាការជ្រៀតជ្រែករបស់ដែនម៉ាញ៉េទិចដែនដី។
ប៉ុន្តែពួកអ្នកបំប៉នសុខភាពចិនបុរាណនេះចាត់ទុកថា ទិសដេករបស់មនុស្សគួរផ្លាស់ប្តូរតាមបួនរដូវ : និទាឃ- រដូវ, គិមហន្តរដូវ, សរទរដូវ, សិសិរ រដូវ ។ ជាក់ស្តែងនៅនិទាឃរដូវ និង សិសិររដូវ យើងគួរដេកបែរក្បាលទៅ ទិសខាងត្បូង គិម្ហរដូវ បែរក្បាលទៅទិសខាងកើត និងសរទរដូវ បែរទៅទិសឦសាន ។
វិធីផ្សេងទៀតដើម្បីធានាដំណេកមួយល្អ និងស្កប់ គឺចៀសវាងកង្វល់បារម្ភមិនចាំបាច់ទាំងឡាយ ។ ពួក ជំនាញការទូន្មានមនុស្សគ្រប់រូប ពិសេសគឺមជ្ឈដ្ឋានបញ្ញវន្ត គួរធានាដំណេកឱ្យបានគ្រប់ មុនពេលដេកត្រូវផឹកទឹកដោះ គោក្តៅមួយកែវ ឬទឹកក្តៅឧណ្ហៗលាយទឹកឃ្មុំ ឬត្រាំជើងក្នុងទឹកក្តៅ ដោយបន្ថែមការម៉ាស្សាបាតជើង ៕
0 មតិ:
Post a Comment