រដ្ឋាភិបាលថៃបានទទួលការលើកទឹកចិត្តពី លោក Kofi Annan អតីតអគ្គលេខាធិការអង្គការសហប្រជាជាតិសម្រាប់កិច្ចខិតខំប្រឹងប្រែងរបស់ខ្លួនក្នុងការជម្រុញការផ្សះផ្សានយោបាយ និងសង្គម។ លោក Annan បានផ្តល់ការគាំទ្រនេះ នៅក្នុងអំឡុងពេលកិច្ចប្រជុំជាមួយ លោកស្រី យីងឡាក់ នាយករដ្ឋមន្ត្រីថៃ កាលពីថ្ងៃសុក្រម្សិលមិញ។
អតីតអគ្គលេខាធិការអង្គការសហប្រជាជាតិ បានមកទស្សនកិច្ចប្រទេសថៃ ជាមួយ លោក Martti Ahtisaari អតីតប្រធានាធិបតីហ្វាំងឡង់ ដែលទទួលបានមេដាយសន្តិភាពក្នុងឆ្នាំ២០។ អតីតមេដឹកនាំទាំងពីររូបនេះ មកទស្សនកិច្ចនៅប្រទេសថៃ រយៈពេល ៤ថ្ងៃ ស្របតាមការអញ្ជើញរបស់គណៈ កម្មាការស្វែងរកការពិត ដើម្បីផ្សះផ្សារជាតិ ក្នុងការផ្តល់យោបល់អោយគណៈកម្មាការ និងគណបក្សដទៃទៀតទាក់ទងនឹងដំណើរការផ្សះផ្សាជាតិ។
នៅក្នុងអំឡុងពេលកិច្ចប្រជុំ លោកស្រី យីងឡាក់ បាននិយាយថា ការកសាងការផ្សះផ្សារជាតិនៅក្នុងប្រទេសថៃ គឺជាអាទិភាព ចម្បងរបស់រដ្ឋាភិបាល ហើយការផ្សះផ្សារជាតិនេះ ត្រូវគោរព ទៅតាមគោលការណ៍តម្លាភាព គោរពទៅតាមច្បាប់ និងដំណើរ ការលទ្ធិប្រជាធិបតេយ្យ រួមនិងការគោរពសិទ្ធមនុស្ស។ លោកស្រីបានបន្ថែមថា រដ្ឋភិបាលបានអនុម័តកញ្ចប់សំណងដល់ជនរង គ្រោះដោយហិង្សានយោបាយ ដើម្បីបង្ហាញពីការទទួលខុសត្រូវរបស់រដ្ឋាភិបាល និងអ្វីដែលបានកើតឡើងប៉ុន្មានឆ្នាំចុងក្រោយដោយគ្មានការប្រកាន់ក្រុម។
លោក Annan និង លោក Ahtisaari បានយល់ស្របជាមួយ លោកស្រី យីងឡាក់ ថា ការផ្សះផ្សាជាតិបានដើរតួនាទីសំខាន់ក្នុងការជម្រុញប្រទេសថៃ អោយឈានទៅមុខ ហើយគណៈកម្មាការស្វែងរកការពិត ដើម្បីផ្សះផ្សាជាតិ មាន តួនាទីសំខាន់នៅក្នុងដំណើរការនេះ។ មេដឹកនាំទាំងពីរ បាននិយាយថា លោកមានការរីករាយនឹងឃើញគណៈកម្មាការទទួលបានការគាំទ្រពេញ លេញពីរដ្ឋាភិបាល និងជម្រុញអោយវិស័យទាំងអស់នៅក្នុងសង្គមថៃ ធ្វើការរួមគ្នា ដើម្បីផ្សះផ្សាការបែកបាក់នៅក្នុងសង្គម និងផ្នែកនយោបាយ។
លោក Kofi Annan ជាអគ្គលេខាធិការអង្គការសហប្រជាជាតិ ចាប់តាំងពីឆ្នាំ១៩៩៧ ដល់ឆ្នាំ២០។ នៅក្នុងឆ្នាំ២០០១ លោក Annan និងអង្គការសហប្រជាជាតិ ទទួលបានពានរង្វាន់ណូបែលសន្តិភាព សម្រាប់ការងាររបស់ពួកគេទាក់ទងនឹងកិច្ចសហប្រតិបត្តិការ និងសន្តិភាពពិភពលោក។ លោក Ahtisaari បានបញ្ចប់ការប៉ះទង្គិចនៅក្នុងតំបន់មានបញ្ហាជាច្រើននៅក្នុងពិភពលោកច្រើនជាង ៣០ឆ្នាំ និងបានទទួលពានរង្វាន់ណូបែលសន្តិភាពក្នុងឆ្នាំ២០។ លោក Kofi Annan និង លោក Martti Ahtisaari នឹងចាកចេញពីប្រទេសថៃនៅថ្ងៃអាទិត្យស្អែកនេះ។
0 មតិ:
Post a Comment