skip to main |
skip to sidebar
2:42 PM
khmer4all
ភំពេញ ៖ អ្នកចាត់ការទូទៅក្លិបលោក ឱក សំណាង បង្ហើបប្រាប់ថា ព្រះខ័នរាជ បានស្នើសុំការឧបត្ថម្ភជាផ្លូវការពីធនាគារដែលមានមូលដ្ឋាននៅប្រទេស វៀតណាមមួយនេះ សម្រាប់រយៈពេល៣ឆ្នាំ។ យ៉ាងណាក្ដី នៅមិនទាន់ប្រាកដថាការស្នើសុំនេះ នឹងជោគជ័យកម្រិតណានោះទេ តែ លោកអះអាងច្បាស់ណាស់ថា ធានាគារមួយនេះ នឹងផ្ដល់ប្រាក់ ១០ម៉ឺនដុល្លារអាមេរិក ជាបណ្ដោះអាសន្នសម្រាប់ក្លិបរ៉ាប់រងក្នុងការចំណាយផ្សេងៗនៅឆ្នាំនេះ ខណៈការស្នើ៣ឆ្នាំនោះ ត្រូវធនាគារសុំពេលពិចារណាសិន។
ការចុះកិច្ចសន្យាទទួលប្រាក់១០ម៉ឺនដុល្លារអាមេរិកនេះ នឹងធ្វើឡើងក្រោយត្រលប់ពីយុទ្ធនាការ FA Cup នៅម៉ាឡេស៊ី។ អ្នកចាត់ការទូទៅរូបនេះគូសបញ្ជាក់ថា “ការស្នើរបស់យើង គឺសង្ឃឹមជោគជ័យ តែមិនទាន់ប្រាកដថាគេនឹងជួយទាំង៣ឆ្នាំ ២ឆ្នាំ ឬ ក៏តែ១ឆ្នាំនេះនោះទេ គឺត្រូវរង់ចាំការសម្រេចរបស់គេសិន”។ព្រះខ័នរាជ នឹងចាកចេញពី កម្ពុជាឆ្ពោះទៅម៉ាឡេស៊ី នៅម៉ោង១១:១០នាទីព្រឹកនេះ ដើម្បីចូលរួមក្នុងកម្មវិធី FA Cup ដែលមានក្រុមចូលរួមសរុប៣២ក្រុម។ នៅថ្ងៃសៅរ៍ទី ១៨ កុម្ភៈ២០១២ចុងសប្ដាហ៍នេះ ក្រុមយក្សនៅកម្ពុជា នឹងតតាំងជាមួយក្រុម Penang AUCMS ដើម្បីយកកៅអីវគ្គ១៦ក្រុមចុងក្រោយ៕
0 មតិ:
Post a Comment