អង្គការសហប្រជាជាតិព្រមានថា បញ្ហាកង្វះទឹកនៅក្នុងផ្នែកមួយចំនួននៅលើពិភពលោកអាចជា បញ្ហារ៉ាំរ៉ៃ ហើយស្ថានភាពអាចនឹងធ្ងន់ធ្ងរជាងនោះទៅទៀតដោយសារការកើនឡើងនូវតម្រូវការស្បៀងអាហារ។
នៅក្នុងរបាយការណ៍មួយ អង្គការសហប្រជាជាតិនិយាយថា ការកើនឡើងនៃចំនួនប្រជាពលរដ្ឋ នៅលើពិភពលោកនឹងបង្កើនតម្រូវការសម្រាប់អាហារដល់ទៅ៧០ភាគរយនៅដំណាច់ឆ្នាំ ២០៥០ខាងមុខនេះ។
បញ្ហានោះនឹងនាំឲ្យមានកំណើនជិត២០ភាគរយនៃការប្រើប្រាស់ទឹកក្នុងវិស័យកសិកម្ម ដែលត្រូវការការប្រើប្រាស់ទឹកសាបច្រើនជាងគេនៅលើពិភពលោក។
របាយការណ៍នោះនិយាយផងដែរថា ការប្រែប្រួលអាកាសធាតុគឺជាការគំរាមកំហែងមួយពិត ប្រាកដ និង កាន់តែខ្លាំងឡើង។
របាយការណ៍នោះព្រមានថា បើពុំមានផែការទឹក និង ដំណោះស្រាយឲ្យបានល្អនោះទេ មនុស្ស រាប់រយលាននាក់នឹងប្រឈមមុខនឹងការអត់ឃ្លាន ជំងឺ កង្វះខាតថាមពល និង ភាពក្រីក្រ៕
0 មតិ:
Post a Comment