ការសិក្សាថ្មីមួយបានបង្ហាញអំពីការបារម្ភអំពីការលូតលាស់នៃឧស្សាហកម្មរ៉ែទៅលើវិស័យទេសចរណ៍របស់អូស្ត្រាលី។
វិទ្យាស្ថានអូស្ត្រាលីនិយាយថា ការសិក្សាស្រាវជ្រាវរបស់ខ្លួនបង្ហាញថា ឧស្សាហកម្មរ៉ែកំពុងធ្វើឲ្យ ដុល្លារអូស្ត្រាលីឡើងខ្ពស់ ដែលធ្វើឲ្យភ្ញៀវទេសចរមានការរុញរាក្នុងការធ្វើដំណើរមកប្រទេសអូស្ត្រាលី។
នាយកប្រតិបត្តិនៃវិទ្យាស្ថាននោះលោក Richard Denniss និយាយថា មហាសេដ្ឋីអណ្តូងរ៉ែនៅក្នុងរដ្ឋ Queensland បានទទួលផលប្រយោជន៍ពីការរីកលូតលាស់នៃឧស្សាហកម្មរ៉ែ ប៉ុន្តែ ពួកគេមិនទទួលខុសត្រូវចំពោះការខាតបង់ប្រយោជន៍របស់សហគមន៍ឡើយ។
លោក Denniss បន្តថា ការរីកលូតលាស់នៃឧស្សាហកម្មរ៉ែ ក៏កំពុងជះឥទ្ធិពលទៅលើឧស្សាហកម្ម ផលិតទំនិញរបស់អូស្ត្រាលីផងដែរ៕
0 មតិ:
Post a Comment