ស្ត្រីដែលចូលចិត្តពាក់ស្បែកជើងកែងចោត គួរប្រយ័ត្នចំពោះជើងរបស់អ្នក ព្រោះតាម ការសិក្សាថ្មីមួយ ដែលចុះផ្សាយក្នុងព្រឹត្តិបត្រ The Journal of Applied Physiology បានឱ្យដឹងថា ការពាក់ស្បែកជើងកែងចោត អាចធ្វើឱ្យសារធាតុអាហារចិញ្ចឹម សាច់ដុំកំភួនជើង ថយចុះ ធ្វើឱ្យអ្នក ប្រឈមមុខខ្លាំង នឹងគ្រោះថ្នាក់ និងប៉ះពាល់ដល់ការដើរ របស់អ្នកថែមទៀត។
ការសិក្សានេះ ធ្វើឡើងដោយក្រុមអ្នកស្រាវជ្រាវជនជាតិអូស្ត្រាលី ដោយជ្រើសរើស ស្ត្រីវ័យក្មេងចំនួន៩នាក់ ដែលបានពាក់ស្បែកជើងកែងចោតយ៉ាងតិច ៤០ម៉ោង ក្នុង១សប្តាហ៍ អស់រយៈពេល២ឆ្នាំ និងស្ត្រីវ័យក្មេងចំនួន ១០នាក់ទៀត ដែលកម្រ ពាក់ស្បែកជើងកែងចោត។
ជាលទ្ធផលបានឱ្យឃើញថា ស្ត្រីដែលមានទម្លាប់ពាក់ស្បែក-ជើងកែងចោត តែងបោះជំហានខ្លីៗ និងប្រើកម្លាំងខ្លាំង ហើយជើង ត្រូវរឹប និងដើរដោយចុងជើងជានិច្ច។ ម៉្យាងទៀត ទោះបីជា ដោះ- ស្បែកជើងចេញ និងដើរដោយជើងទទេក៏ដោយ ក៏ពួកគេ នៅតែដើរ ក្នុងឥរិយាបថបែបនេះដដែល។ ហេតុនេះហើយ ទើបជាតិកាកសរសៃ អាហារ (Fibers) នៅក្នុងសាច់ដុំកំភួនជើង បានថយចុះ និងធ្វើឱ្យ ជើង ងាយរងរបួស។
ក្រៅពីនេះ ការពាក់ស្បែកជើងកែងចោត វាទាមទារឱ្យអ្នកប្រើ ថាមពលខ្លាំង ដើម្បីទប់លំនឹងខុសពីអ្នកដែលពាក់ស្បែកជើងរាប ធម្មតា។ ម៉្យាងទៀត នៅពេលដែលអ្នកប្តូរពីការពាក់ស្បែកជើងកែង- ចោត មកជាស្បែកជើងរាបវិញ វាក៏អាចបង្កឱ្យមានគ្រោះថ្នាក់បាន ផងដែរ ជាពិសេស នៅពេលធ្វើការ ព្រោះតែជើងបានប្តូរលក្ខណៈថ្មី បង្កឱ្យមានការឈឺចាប់ និងធ្វើឱ្យពិបាកដើរ។
លោកនៀល ចេ ក្រូនីន (Neil J. Cronin) ប្រធានដឹកនាំ ការសិក្សានេះ បានឱ្យដឹងថា “ជម្រើសដែលល្អបំផុត គឺអ្នកមិនត្រូវ ពាក់ស្បែកជើងកែងចោត ញឹកញាប់ពេកនោះឡើយ ត្រឹមតែម្តង ឬ ២ដង ក្នុង១សប្តាហ៍បានហើយ ពោលគឺអ្នកគួរឱ្យជើងស្ថិតក្នុង ទម្រង់ធម្មតា ឱ្យបានច្រើនបំផុត៕
0 មតិ:
Post a Comment