មិនថាជាសរសៃសក់ កែវភ្នែក ក្រចក ឬសូម្បីតែខួរក្បាល និងសរីរាង្គ គ្រប់ផ្នែកនៃរាងកាយ តែងតែត្រូវការសារជាតិអាហារខុសៗគ្នា។ ដូច្នេះ ដើម្បី ជួយបំប៉នរាងកាយតាមផ្នែកនីមួយៗ អ្នកអាចជ្រើសអាហារដូចខាងក្រោម...។
១.សក់ទន់រលាស់ ដោយទឹកដោះគោដែលមានជាតិខ្លាញ់ ៖ បើចង់ ឱ្យសក់ស្អាត អ្នកចាំបាច់បរិភោគប្រូតេអ៊ីន ចូលទៅ ដែលទឹកដោះគោមានជាតិ- ខ្លាញ់ទាប នឹងផ្តល់ប្រូតេអ៊ីនតិច ឬច្រើន គឺអាស្រ័យលើទម្ងន់របស់មនុស្សម្នាក់ៗ ហើយជាទូទៅ ប្រូតេអ៊ីន ១ក្រាម គិតចំពោះទម្ងន់ខ្លួន ១គីឡូក្រាម គឺគ្រប់គ្រាន់ល្មម។
សម្រាប់អ្នកដែលចូលចិត្តហូបអាហារអឺរុប អាចសាកល្បងហូបឈីស (Cheese) ជាតិខ្លាញ់ទាប តែកន្លះចានចង្កឹះ នឹងផ្តល់ប្រូតេអ៊ីន ប្រហែល ២៨ក្រាម។
២.ថែបំប៉នបេះដូង ដោយទំពាំងបារាំង ៖ ទំពាំងបារាំង ធ្វើឱ្យរាងកាយ ឃ្លាតចាកពីជំងឺបេះដូង បាន ដោយសារវាពោរពេញទៅដោយវីតាមីន B ដែល ជួយបន្ថយអូម៉ូស៊ីស្ទេអ៊ីន (Homocysteine) ជាអាស៊ីដអាមីណូម៉្យាង ដែលធ្វើ- ឱ្យកើតអាការរលាក និងបង្កើនការប្រឈមនឹងជំងឺបេះដូង។
៣.ថែទាំកែវភ្នែក ដោយស៊ុត ៖ ស៊ុតក្រហម មានសារធាតុប្រឆាំង- រ៉ាឌីកាល់សេរី ឈ្មោះថា លូតេអ៊ីន (Lutein) និងស៊ីសានធីន ដែលជួយការពារ ភ្នែកឡើងបាយ និងពន្យារមិនឱ្យសាច់ដុំក្នុងកែវភ្នែក ថមថយសភាព ហើយមិន- បាច់បារម្ភថា ស៊ុតមាន់ នឹងបង្កើនកូលេស្តេរ៉ូលឡើយ ព្រោះអ្នកស្រាវជ្រាវ ពីសាកល- វិទ្យាល័យម៉ាសសាឈូសេតថ៍ (University of Massachusett) បញ្ជាក់រួច មកហើយថា ការបរិភោគស៊ុត ១គ្រាប់ ក្នុង១ថ្ងៃ មិនធ្វើឱ្យកម្រិតកូលេស្តេរ៉ូល កើនឡើងឡើយ។
៤.ស្បែកស្រស់ថ្លា ដោយសារប៉េងប៉ោះ ៖ រាល់ថ្ងៃ អ្នកត្រូវចេញមកប៉ះ- កាំរស្មីយូវី (UV) យ៉ាងខ្លាំងក្លា ប៉ុន្តែ សារធាតុខារ៉ូទីណយដ៍ (Carotenoid) ក្នុងប៉េងប៉ោះ ជួយបន្ថយការបំផ្លាញស្បែកបាន ហើយថែមទាំងជួយការពារ មហារីក និងបំបាត់ស្នាមជ្រីវជ្រួញ បានផងដែរ។
៥.ក្រចករឹងមាំ ដោយសាច់គោ ៖ សម្រាប់ស្ត្រីដែលតែងតែខ្វះជាតិដែក និងធ្វើឱ្យក្រចករបស់អ្នក ងាយបាក់។ ដូច្នេះ ចូរបរិភោគសាច់គោ ឱ្យបានញឹកញាប់ ព្រោះវាសម្បូរដោយជាតិដែក។
៦.ខួរក្បាលភ្លឺថ្លា ដោយបន្លែខាត់ណា ៖ ការសិក្សាដែលចុះផ្សាយក្នុង ព្រឹត្តិបត្រ Neurology បានឱ្យដឹងថា ការបរិភោគបន្លែបៃតង ដូចជា ខាត់ណា ជួយមិនឱ្យកោសិកាខួរក្បាលខូចខាត បានដល់ទៅ ៤០%។
៧.ឆ្អឹងរឹងមាំ ដោយសូកូឡា ៖ ក្នុងសូកូឡា ពោរពេញទៅដោយម៉ាញេ- ស្យូម ដែលផ្តល់ផលល្អចំពោះភាពហាប់ណែនរបស់ឆ្អឹង ប្រសិនបើរាងកាយ ទទួលបានម៉ាញេស្យូម គ្រប់គ្រាន់ ក៏អាចកើតជំងឺពុកឆ្អឹងបានដែរ។
៨.បបូរមាត់រាបស្អាត ដោយសណ្តែកវ៉ល់ណាត់ ៖ បបូរមាត់រលោង ស្អាត មិនមែនជាបញ្ហាចោទឡើយ ប្រសិនបើការផ្លាស់ប្តូរកោសិកាស្បែក ជា- ប្រចាំ។ ដូច្នេះ ក្រៅពីការបរិភោគត្រីសាលម៉ន ដែលមានអូមេហ្គា-៣ ហើយ ការហូបសណ្តែកវ៉ល់ណាត់ តែមួយក្តាប់ (ប្រហែល ១៤គ្រាប់) នឹងជួយឱ្យ អ្នកទទួលបានអូមេហ្គា-៣គ្រប់គ្រាន់។
៩.ច្រមុះស្រឡះ ដោយគ្រាប់ឈូករ័ត្ន ៖ ដោយសារគ្រាប់ឈូករ័ត្ន សម្បូរ ដោយវីតាមីន E ដែលជួយជំរុញប្រព័ន្ធការពាររាងកាយ ឱ្យប្រសើរឡើងហើយ ថែមទាំងអាចបន្ថយអាការអាល់លែរហ្ស៊ី ក្នុងប្រហោងច្រមុះ ផងដែរ។
១០.សុខភាពល្អ ដោយផ្លែប៊្លូបឺររី ៖ វីតាមីន C ក្នុងប៊្លូបឺររី ដូចជា ថ្នាំ ដែលមានប្រយោជន៍ជាច្រើន ចំពោះការបំប៉នកែវភ្នែក គ្រប់គ្រងការឃ្លាន- អាហារ ថែមទាំងថែរក្សាមិនឱ្យប្លោកនោមឆ្លងមេរោគ ផងដែរ។
១១.ប្រអប់មាត់គ្មានជំងឺ ដោយផ្លែស្វាយ ឬគីវី ៖ ផ្លែឈើទាំងពីរនេះ មានវីតាមីន ជ ច្រើនជាងក្រូចទៅទៀត។ ការបរិភោគផ្លែស្វាយ ពាក់កណ្តាលផ្លែ ឬផ្លែគីវី ១ផ្លែ ក្នុង១ថ្ងៃ នឹងជួយ ការពារអញ្ចាញ និងបន្ថយការប្រឈមនឹងជំងឺមហារីក ក្នុងប្រអប់មាត់ បានដល់ទៅ ៥០ភាគរយ ឯណោះ។
ប្រសិនបើអ្នកមានបញ្ហាអញ្ចាញ និងធ្មេញ មានន័យថា ក្នុងប្រអប់មាត់ កំពុងតែពោរ- ពេញទៅដោយសារធាតុសៃតូឃីន (Cytokine) ដែលធ្វើឱ្យមាត់របស់អ្នកឈឺចាប់ និងមានឈាម ហូរ។ ប៉ុន្តែ វីតាមីន D ជួយបន្ថយសារធាតុនេះបាន។ ចូរសាកល្បងទទួលទានបង្គា ប្រហែលជា ១ខាំ នឹងមានវីតាមីន ឌ ប្រហែល៦៥% ដែលអ្នកត្រូវការក្នុង ១ថ្ងៃ។
១២.ដើមទ្រូងមូលក្លុំ ដោយប្រូកខូលីខ្ចីៗ ៖ ប្រូកខូលីខ្ចីៗ មានសារធាតុម៉្យាង ជួយទប់ទល់ មិនឱ្យកោសិកាមហារីកសុដន់ លូតលាស់ ដែលសារធាតុនេះមានឈ្មោះថា សាល់ហ្វូរ៉ាហ្វែន (Sulforaphane) ហើយមាននៅក្នុងប្រូកខូលីខ្ចី ច្រើនជាងប្រូកខូលីចាស់ ដល់ទៅ២០ដង ឯណោះ ៕
0 មតិ:
Post a Comment