សំណួរមួយដែលយើងតែងឮញឹកញាប់ប់ផុំត គឺគួរប្រើពណ៌ផាត់ភ្នែក ពណ៌ផ្សេងៗបែប- ណាទើបល្អ ? ខាងក្រោមនេះគឺជាវិធីតុបតែងភ្នែកឱ្យស្អាត តាមចំនួនពណ៌...។
វិធីប្រើពណ៌ផាត់ភ្នែក ១ពណ៌ ៖
១. លាបពណ៌លើត្របកភ្នែក និងតាមទម្រង់រោមភ្នែកក្រោម។
២. ដើម្បីបង្កើតខ្សែត្រេភ្នែក ដែលកាន់តែដិតច្បាស់ ត្រូវប្រើទឹក មកជួយ ដោយប្រើជក់ បៀកទឹកបន្តិច ជ្រលក់លើពណ៌ផាត់ភ្នែក រួចលាបតាមទម្រង់រោមភ្នែកលើ។
វិធីប្រើពណ៌ផាត់ភ្នែក ២ពណ៌ ៖
១. ប្រើពណ៌ខ្ចីជាងគេ ក្នុងប្រអប់ ជាទ្រនាប់ លាបឱ្យសព្វត្របកភ្នែក គល់ជ្រុងភ្នែក និង តាមទម្រង់រោមភ្នែកក្រោម។
២. លាបពណ៌ដិត តាមទម្រង់រោមភ្នែកលើ រហូតដល់គន្លាក់ផ្នត់ភ្នែក កៀរឱ្យចូលគ្នា ដោយបង្វិលជក់ ជារង្វង់ ឱ្យសព្វ។ ការធ្វើបែបនេះ អាចធ្វើឱ្យពណ៌ផ្សំគ្នាជាពណ៌កណ្តាល ដែល គ្មានក្នុងប្រអប់។
វិធីប្រើពណ៌ផាត់ភ្នែក ៣ពណ៌ ៖
១. ដូចគ្នានឹងប្រភេទ ២ពណ៌ ត្រូវលាបពណ៌ដែលខ្ចីបំផុត ឱ្យសព្វចិញ្ចើម។
២. ប្រើពណ៌កណ្តាល ឱ្យកើតប្រយោជន៍ច្រើនបំផុត ព្រោះវាជាពណ៌សុវត្ថិភាពបំផុតសម្រាប់ អ្នក លាបវាតាមស្នាមគន្លាក់ភ្នែក ដោយត្រឡប់ទៅមក តាមបែបតែមួយ ដូចផ្លិតបក់ទឹករថយន្ត រួចប្រើពណ៌ដិតបំផុត លាបតាមទម្រង់រោមភ្នែក ឬបង្កើតភាពដិតច្បាស់ដល់ភ្នែក ដោយការ លាបកន្ទុយភ្នែក ជារូបអក្សរ V ។
វិធីប្រើពណ៌ផាត់ភ្នែក ៤ពណ៌ ៖
១. ប្រអប់បែប៤ពណ៌ ភាគច្រើនតែងមានពណ៌សំខាន់៣ពណ៌ រួចបន្ថែមពណ៌មាស ឬពណ៌ភ្លឺផ្លេក មួយពណ៌ទៀត។ ដូច្នេះ ត្រូវប្រើ៣ពណ៌ តាមបែបដែលអធិប្បាយក្នុងការប្រើ ពណ៌ផាត់ភ្នែក៣ពណ៌។
២. ថែមពណ៌ទី៤ ចូលទៅជ្រុងគល់ភ្នែក ត្របកភ្នែក ទ្រនង់ចិញ្ចើម ឬត្រេភ្នែកក្រោម បើ មានអារម្មណ៍ថា ការលាប៤ពណ៌ វាច្រើនពេក គួរប្រើពណ៌តែមួយ ម្តងមួយៗ ឬយកមកផ្សំ- ពណ៌ ដោយខ្លួនឯង តាមចំណូលចិត្តក៏បាន ៕
0 មតិ:
Post a Comment