សភារបស់ប្រទេសកម្ពុជាកាលពីព្រឹកថ្ងៃច័ន្ទនេះ បានបើកកិច្ចប្រជុំវិសាមញ្ញរបស់ខ្លួន ដោយផ្ដល់សុពលភាពដល់អ្នកតំណាងរាស្រ្តថ្មី ដែលចូលជំនួសអ្នកតំណាងរាស្រ្តដែលលាលែង និង ទទួលមរណៈភាពចំនួន៦រូប ។ ក្នុងនោះមាន៥រូប មកពីគណបក្សសមរង្ស៊ី និង មួយរូបទៀតមកពីគណបក្សប្រជាជន ។ដោយមានកូរ៉ុម៩៧លើ៩៧ សភាបានប្រកាសផ្ដល់សុពលភាពដល់លោក គី វណ្ណារ៉ា ជំនួសលោកស្រី កែ សុវណ្ណរតន៍ ដែលជាតំណាងរាស្ត្រមណ្ឌលសៀមរាប, លោក នួន វុទ្ធី ជំនួស លោកស្រី ថាក់ ឡានី តំណាងរាស្ត្រមណ្ឌលកំពង់ចាម, លោក ដាំ សិទ្ធិ ជំនួសលោក ហូ វ៉ាន់ ដែលជាតំណាងរាស្ត្រមណ្ឌលភ្នំពេញ និងលោក កែត ឃី ជំនួស លោក ម៉ែន សុថាវរិន្ទ្រ ដែលជាតំណារាស្ត្រ មណ្ឌលកំពង់ធំ។ ចំណែកលោក ពិជ គឹមស្រ៊ាង ជំនួសលោក ជា សុទ្ធ មកពីគណបក្សប្រជាជនដែលទទួលមរណៈភាព ។
គួរបញ្ជាក់ថា នៅព្រឹកនេះ រដ្ឋសភាក៏នឹងធ្វើការបោះឆ្នោតជ្រើសរើសសមាជិកព្រឹទ្ធសភាសម្រាប់នីតិកាលទី៣ ចំនួន២រូប ពីក្នុងចំណោមអ្នក១២រូប និងការពិភាក្សាអនុម័តទៅលើសេចក្ដីព្រាងច្បាប់ ស្ដីពីការទូទាត់ថវិការ ទូទៅរបស់រដ្ឋសម្រាប់ការគ្រប់គ្រងឆ្នាំ២០១០ផងដែរ ៕
0 មតិ:
Post a Comment