លោក អេឡេន អ្នកគាំទ្រមួយរូប ដែលបានសរសេរនៅវ៉លរបស់បុស្បាប៉ាន់ នាថ្ងៃដដែលថា “អ្នកគឺជាមនុស្សអស្ចារ្យ។ អ្នកនឹងទទួលបានអ្នកគាំទ្រច្រើនជាងមួយម៉ឺននាក់ទៀត។ យើងស្រលាញ់អ្នក ហើយមានតែអ្នកមួយប៉ុណ្ណោះ អាចធ្វើឱ្យប្រទេសយើងទទួលបានមោនភាពពីប្រទេសដទៃទៀត”។
នៅលើ វ៉លនោះ មិនត្រឹមតែសកម្មភាពសម្ដែងនោះទេ ដែលទទួលការកោតសរសើរ សូម្បីតែកិច្ចសង្គម សុទ្ធសឹងទទួលការគាំទ្រច្រើនផងដែរ។ សព្វថ្ងៃនេះ បុស្បាប៉ាន់កំពុងមមាញឹកនឹងការហ្វឹកហាត់ចម្រៀង កីឡា និងស្វែងរកសប្បុរជនជួយដល់កុមារក្រីក្រ ក្នុងតំបន់ដាច់ស្រយាល ពិសេសតំបន់បឹងទន្លេសាប។
ក្នុងសង្គម បុស្បាប៉ាន់ ត្រូវបានគេស្គាល់ថា ជាមនុស្សមានទេពកោសល្យក្នុងវិស័យសិល្បៈ ដែលមហាជនជាច្រើនចាប់អាម្មរណ៍ និងស្រឡាញ់នាង។ សកម្មភាពជាច្រើនរបស់នាង ដែលបង្ហាញតាមរយៈកាសែត ទូរទស្សន៍ គេហទំព័រ ពិសេសហ្វេសប៊ុក បានធ្វើឱ្យរូបនាងទទួលបានការរាប់អាន និងកោតសរសើរពីមហាជន។ រូបនាងកាន់តែទទួលបានការគាំទ្រនៅលើហ្វេសប៊ុក រហូតមកដល់ពេលនេះបានជាងមូយម៉ឺននាក់។ បើប្រៀបធៀបនឹងតារាចម្រៀងល្បីៗ ដូចជា ឱក សុគន្ធកញ្ញា សុគន្ធ នីសា និងមាស សុខសោភា អាចនិយាយបានថា ជាប់ជាលំដាប់តារាល្បីៗបន្ទាប់ពីតារាដទៃទៀត៕ K
0 មតិ:
Post a Comment