ក្រុមការងារផ្នែកលក់ ផ្នែកទីផ្សារ ផ្នែកសេវាកម្ម ផ្នែក IT និងផ្នែកប្រតិបត្តិការ (SMSG) របស់ Microsoft ប្រហែលជាត្រូវបង្ខំឱ្យអនុវត្តន៍ច្បាប់ថ្មីរបស់ក្រុមហ៊ុន ដែលហាមប្រាមបុគ្គលិកមិនឱ្យប្រើប្រាស់លុយមូលនិធិរបស់ក្រុមហ៊ុន ក្នុងការទិញផលិតផលរបស់ Apple នោះទេ នេះដោយយោងតាមរបាយការណ៍របស់ ZDNet។
តាមរយៈ email មួយរបស់លោក Alain Crozier ដែលជានាយកប្រតិបត្តិនៃ SMSG បានប្រាប់ដល់បុគ្គលិកទាំងអស់អំពីគោលការណ៍ថ្មីរបស់ក្រុមហ៊ុន ដែលនៅក្នុង email នោះមានអត្ថន័យហាមឃាត់មិនឱ្យបុគ្គលិកទិញផលិតផលរបស់ Apple ដោយប្រើលុយមូលនិធិរបស់ក្រុមហ៊ុនឡើយ។
ក្រុមការងារ SMSG របស់ Microsoft មានបុគ្គលិកជាង ៤៦ ០០០នាក់នៅទូទាំងពិភពលោក ហើយក្រុមហ៊ុនក៏មានគោលការណ៍តាំងពីដំបូង គឺមិនឱ្យពួកគេប្រើប្រាស់ផលិតផល iPhones ព្រមទាំង BlackBerry នោះទេ។ ប៉ុន្តែជំនួសឱ្យការហាមប្រាមនេះ ក្រុមហ៊ុនក៏បានផ្ដល់ឱ្យបុគ្គលិកនូវការប្រើប្រាស់ Window Phones សម្រាប់ទូរស័ព្ទដោយមិនគិតប្រាក់ផងដែរ៕ CM
0 មតិ:
Post a Comment